ନାଉଗଁା,୧୨ା୧୧(ସ୍ବ.ପ୍ର.): ନାଉଗଁା ବସଷ୍ଟାଣ୍ଡରେ ଯାତ୍ରୀ ବିଶ୍ରାମାଗାର ରହିଛି। ଏଠାରେ ଯାତ୍ରୀମାନଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇବା ପାଇଁ ଉକ୍ତ ଗୃହରେ ପାନୀୟ ଜଳ ବିଶୋଧନ ଓ ଶୀତଳୀକରଣ ଯନ୍ତ୍ର ଲାଗିଛି। ଏହା ୬ମାସ ହେବ ଅଚଳ ହୋଇଯାଇଥିବାରୁ ଯାତ୍ରୀମାନେ ସମସ୍ୟା ଭୋଗୁଛନ୍ତି। ପାନୀୟ ଜଳ ଯନ୍ତ୍ରଟି ରାଜ୍ୟ କାଜୁ ନିଗମ ସହାୟତାରେ ଲଗାଯାଇଛି। ଏଥିପାଇଁ ୮୬ ହଜାର ୭ ଶହ ଟଙ୍କା ବ୍ୟୟ କରାଯାଇଛି। ଏହି ପାନୀୟ ଜଳ ପ୍ରକଳ୍ପକୁ ରାଜ୍ୟ କାଜୁ ନିଗମ ଅଧ୍ୟକ୍ଷ ଅମରେନ୍ଦ୍ର ଦାସ ୨୯ ଅକ୍ଟୋବର ୨୦୨୧ରେ ଉଦ୍ଘାଟନ କରିଥିଲେ। ମାତ୍ର ଏହା ଏବେ ଜନସାଧାରଣ କିମ୍ବା ଯାତ୍ରୀଙ୍କ କାମରେ ଲାଗୁନି। ରକ୍ଷଣାବେକ୍ଷଣା ଅଭାବରୁ ଉକ୍ତ ପାନୀୟ ଜଳ ଯନ୍ତ୍ର ଉଦ୍ଘାଟନର ୨ ମାସ ପରଠୁ ଅଚଳ ହୋଇଯାଇଛି। ଫଳରେ ଦୂରଦୂରାନ୍ତରୁ ଆସୁଥିବା ଯାତ୍ରୀମାନେ ଥଣ୍ଡା ପାନୀୟ ଜଳ ପାଇଁ ଅଧିକାଂଶ ବଜାରରେ ଥିବା ଦୋକାନ ଉପରେ ନିର୍ଭର କରୁଛନ୍ତି। ଉକ୍ତ ଥଣ୍ଡା ପାନୀୟ ଜଳ ଯନ୍ତ୍ରକୁ ମରାମତି ପାଇଁ ସାଧାରଣ ଲୋକେ ପ୍ରଶାସନ ନିକଟରେ ଦାବି କରିଛନ୍ତି। ଏ ବିଷୟରେ ଗ୍ରାମ୍ୟ ଜଳ ପରିମଳ ବିଭାଗର ଯନ୍ତ୍ରୀ ରଶ୍ମି ରଞ୍ଜନ ଦାସ କହିଛନ୍ତି, ଏହି ପାନୀୟ ଜଳ ଯନ୍ତ୍ର ବିଷୟରେ ସେ କିଛି ଜାଣିନାହାନ୍ତି। ଏହାର ରକ୍ଷଣାବେକ୍ଷଣ ଦାୟିତ୍ୱ କାହାର ସେ ବିଷୟରେ ସ୍ଥାନୀୟ ସରପଞ୍ଚ କିମ୍ବା ଆର୍ଥତ୍କ ସହାୟତା ପ୍ରଦାନ କରିଥିବା ସଂସ୍ଥା ସହ ଯୋଗାଯୋଗ କରି ମରାମତି କରିବା ଲାଗି ବ୍ୟବସ୍ଥା କରାଯିବ ବୋଲି କହିଛନ୍ତି।
