ବ୍ରହ୍ମପୁର ଅଫିସ ,୨୪।୧: ଗଞ୍ଜାମ ଜିଲା ବ୍ରହ୍ମପୁର ସହରରେ ବଢ଼ିଚାଲିଛି ନକଲି କାରବାର। ଭେଜାଲ ମସଲା ଗୁଣ୍ଡ, ଚା’ଗୁଣ୍ଡ ପରେ ଏବେ ଭେଜାଲ ପାଣି କାରଖାନା ଉପରେ ବଡବଜାର ପୋଲିସ ଚଢ଼ାଉ କରିଛି । ଲକ୍ଷ୍ମୀନଗର ଅଞ୍ଚଳରେ ଘରଭଡା ନେଇ ଲଷ୍ମୀ ନୃସିଂହ ସାହିର ଏସ୍.ରାକେଶ ପାତ୍ର ଏହି ନକଲି ପାଣି ପ୍ରସ୍ତୁତ କରି ଜିଲାର ବିଭିନ୍ନ ସ୍ଥାନରେ ବିକ୍ରି କରୁଥିବା ଜଣାପଡ଼ିଛି। ଖବରପାଇ ପୋଲିସ ସେଠାରେ ଚଢ଼ାଉ କରି ନାମୀଦାମୀ କମ୍ପାନୀର ଲୋଗୋ ପାଣି ବୋତଲ ଜବତ କରିଛି। ୧ ହଜାର ପ୍ୟାକେଟ୍ ପାଣି ବୋତଲ ଜବତ ହୋଇଥିବା ବେଳେ ଏବେବି ଚଢ଼ାଉ ଜାରି ରହିଛି ବୋଲି ଥାନାଧିକାରୀ ପ୍ରଶାନ୍ତ ଭୂପତି କହିଛନ୍ତି।