ସାଧାରଣ ଜୀବନଚର୍ଯ୍ୟା ମଧ୍ୟରେ ଆବଶ୍ୟକ ମୁତାବକ ପାଣି ପିଇବା ଜରୁରୀ। ଏ ନେଇ ଅଧିକ ପାଣି ପିଇବାକୁ ଡାକ୍ତର ପରାମର୍ଶ ଦେଇଥାନ୍ତି। ମାତ୍ର ଅନେକେ ଖାଇବା ସମୟରେ ପାଣି ପିଇବାକୁ ମନା କରିଥାନ୍ତି। ଏପରି କରିବା ଫଳରେ ଶରୀର ଉପରେ ଖରାପ ପ୍ରଭାବ ପଡ଼ିଥାଏ।
ଆୟୁର୍ବେଦରେ ଖାଇ ସାରିବା ପରେ ତୁରନ୍ତ ପାଣି ପିଇବାକୁ କ୍ଷତିକାରକ କୁହାଯାଇଛି। ଏହା ବିଷ ପିଇବା ସଙ୍ଗେ ସମାନ ବୋଲି କୁହାଯାଇଥାଏ। ଏହାର ପ୍ରଭାବ ପାଚନତନ୍ତ୍ର ଉପରେ ପଡ଼ିଥାଏ। ଫଳରେ ପାଚନତନ୍ତ୍ରରେ ସୃଷ୍ଟି ହେଉଥିବା ସମସ୍ୟା ସହ ଅନେକ ରୋଗର କାରଣ ହୋଇଥାଏ।
ଖାଇ ସାରିବା ପରେ ଖାଦ୍ୟ ନାହିର ଡାହାଣ ପାର୍ଶ୍ୱରେ ପହଞ୍ଚିଥାଏ। ସେଠାରେ ତାହା ହଜମ ହୋଇଥାଏ। ମାତ୍ର ତୁରନ୍ତ ପାଣିପିଇବା ଫଳରେ ସେଠାରେ ଖାଦ୍ୟ ହଜମ ହୋଇ ନ ଥାଏ, ଯାହାର ପ୍ରଭାବ ସିଧା ପାଚନତନ୍ତ୍ର ଉପରେ ପଡ଼ିବା ସହ ଏହା ଅନେକ ସ୍ବାସ୍ଥ୍ୟ ସମସ୍ୟା ସୃଷ୍ଟି କରିଥାଏ। ଏ ନେଇ ଡାକ୍ତର ଖାଇବା ପରେ ତୁରନ୍ତ ପାଣି ପିଇବାକୁ ମନା କରିଥାନ୍ତି।
ଖାଇସାରିବା ପରେ ତୁରନ୍ତ ପାଣି ପିଇଲେ ପାଚନତନ୍ତ୍ରରେ ସମସ୍ୟା ହୋଇ ଗ୍ୟାସ୍, ଛାତି ପୋଡ଼ିବା ଭଳି ଅନେକ ସମସ୍ୟା ଦେଖାଯାଇଥାଏ। ଏହାସହ ତ୍ୱଚା ସମନ୍ଧୀୟ ସମସ୍ୟା ହୋଇଥାଏ ବୋଲି କୁହାଯାଇଛି।