ଭୋପାଳ: ମଧ୍ୟପ୍ରଦେଶର ଇନ୍ଦୋରରେ ନିୟମ ଉଲ୍ଲଂଘନ କରିଥିବା ଡ୍ରାଇଭରଙ୍କୁ ଫାଇନ୍ ମାଗିବା ଟ୍ରାଫିକ ପୋଲିସଙ୍କୁ ଭାରି ପଡ଼ିଛି। ସୋମବାର ଇନ୍ଦୋରର ସତ୍ୟସାଇ ଛକରେ ଜଣେ କାର୍ ଚାଳକ ମୋବାଇଲ୍ରେ କଥା ହୋଇ ଗାଡ଼ି ଚଲାଉଥିବା ଦେଖି ଡ୍ୟୁଟିରେ ଥିବା କନଷ୍ଟେବଳ ଶିବ ସିଂ ଚୌହାନ ତାଙ୍କୁ ଅଟକାଇଥିଲେ। ଡ୍ରାଇଭର ଜଣକ ଗାଡ଼ି ରଖିବା ପରେ ଟ୍ରାଫିକ୍ ନିୟମ ଉଲ୍ଲଂଘନ କରିବା ନେଇ ଶିବ ସିଂ ତାଙ୍କୁ ଫାଇନ୍ ମାଗିଥିଲେ। ଫାଇନ୍ କଥା ଶୁଣି ଡ୍ରାଇଭର ଜଣଙ୍କ ତାଙ୍କୁ ଧମକାଇବା ସହ ଗାଡ଼ି ଷ୍ଟାର୍ଟ କରି ସେଠାରୁ ଚାଲିଯାଇଥିଲେ। ସେହି ସମୟରେ ଶିବ ସିଂ କାର୍ ବୋନେଟ୍ ଉପରେ ଚଢ଼ିଯାଇଥିଲେ। ଏହାପରେ ଡ୍ରାଇଭର ଜଣକ କାର୍ଟିକୁ ଆଉ ରଖି ନ ଥିଲେ। ପାଖାପାଖି ୪ କି.ମି. ଦୂର ପର୍ଯ୍ୟନ୍ତ ଶିବ ସିଂଙ୍କୁ ବୋନେଟ୍ରେ ଝୁଲି ରହିବାକୁ ପଡ଼ିଥିଲା। ପରେ ଶିବ ସିଂ ବୋନେଟ୍ରୁ ଡେଇଁ ପଡ଼ିଥିଲେ। ସମ୍ପୃକ୍ତ ଡ୍ରାଇଭରଙ୍କୁ ଗିରଫ ପରେ ତାଙ୍କ ବିରୋଧରେ ଦଫା ୨୭୯ ଏବଂ ୩୩୨ ଅନ୍ତର୍ଗତ ମାମଲା ରୁଜୁ କରାଯାଇଛି।