ଡେରାଡୁନ,୧୪ ।୫: ପ୍ରାୟ ୨ ବର୍ଷ ପରେ ଆରମ୍ଭ ହେବାକୁ ଯାଉଥିବା ଅମରନାଥ ଯାତ୍ରାର ସୁରକ୍ଷା ସମ୍ପର୍କିତ ପ୍ରସ୍ତୁତିକୁ ନେଇ କେନ୍ଦ୍ର ଗୃହ ସଚିବ ଅଜୟ ଭଲ୍ଲା ଶୁକ୍ରବାର ସମିକ୍ଷା କରିଛନ୍ତି । ଏଥିରେ ନିଷ୍ପତ୍ତି ନିଆଯାଇଛି କି ଅତିକମରେ ୧୨.୦୦୦ ଅର୍ଦ୍ଧସାମରିକ ବଳ ଓ ଜମ୍ମୁ-କଶ୍ମୀର ପୋଲିସର ଶହ ଶହ ଯବାନ ଡ୍ରୋନ୍ କ୍ୟାମେରା ଜରିଆରେ ଅମରନାଥ ଯାତ୍ରୀଙ୍କ ସୁରକ୍ଷା ଉପରେ ଧ୍ୟାନ ଦେବେ ।
ସୂଚନାଯୋଗ୍ୟ, ଅମରନାଥ ଯାତ୍ରା ଜୁନ ୩୦ରୁ ଆରମ୍ଭ ହେବାକୁ ଯାଉଛି । ଏହି ଯାତ୍ରା ୨୦୨୧ ଓ ୨୦୨୦ରେ କରୋନା ମହାମାରୀ କାରଣରୁ ବନ୍ଦ ରହିଥିଲା । ସେହିପରି ୨୦୧୯ରେ ଅନୁଚ୍ଛେଦ ୩୭୦ ହଟାଇବାକୁ ନେଇ ଏହି ଯାତ୍ରାକୁ ନିର୍ଦ୍ଧାରିତ ସମୟ ପୂର୍ବରୁ ଶେଷ କରି ଦିଆଯାଇଥିଲା । ଦୀର୍ଘ ୨ ବର୍ଷ ପରେ ପୁଣିଥରେ ଅମରନାଥ ଯାତ୍ରା ଆରମ୍ଭ ହେବାକୁ ଯାଉଥିବା ବେଳେ ଲକ୍ଷ ଲକ୍ଷ ସଂଖ୍ୟାରେ ଭକ୍ତ ପହଞ୍ଚିବେ ବୋଲି ଅନୁମାନ କରାଯାଉଛି । ଏହା ଅଗଷ୍ଟ ୧୧ରେ ଶେଷ ହେବ ।