ଆକାଶରେ କିମ୍ବା ଘରର ଛାତ ଉପରେ ଡ୍ରୋନ୍ ଉଡୁଥିବାର ନିଶ୍ଚିତ ଦେଖିଥିବେ। ଏହି ଡ୍ରୋନ୍ ସହାୟତାରେ ଅନେକ ସ୍ଥାନରେ ଗୋପନୀୟ ଫଟୋ ଉଠାଯାଏ। ଏହା ଦ୍ୱାରା ଆତଙ୍କବାଦୀ ଆକ୍ରମଣ ବି ହୋଇଥାଏ। ମାତ୍ର କିଛି ଡ୍ରୋନ୍କୁ ଏବେ ସାମଗ୍ରୀ ପଠାଇବାରେ ବ୍ୟବହାର କରାଯାଉଛି।
ବର୍ତ୍ତମାନ ଡ୍ରୋନ ଡୋର୍ ଟୁ ଡୋର୍ ଆଇସ୍କ୍ରିମ୍ ବିତରଣ କରୁଛି। ଟେକ୍ସାସର ଦୁଇଟି ସହରରେ ଏହି ସେବା ଆରମ୍ଭ ହୋଇସାରିଛି। ଟେକ୍ସାସର ଦୁଇଟି ସହରକୁ ବ୍ଲୁ ବେଲ ଆଇସ୍କ୍ରିମ୍ ବିତରଣ କରାଯାଉଛି। ଏହାର ପରିସରକୁ ଶୀଘ୍ର ବିସ୍ତାର କରିବାକୁ ଚେଷ୍ଟା କରାଯାଉଛି।
ବର୍ତ୍ତମାନ ଡ୍ରୋନ ଖାଦ୍ୟ ବିତରଣ, ବ୍ଲୁ ବେଲ୍ ସହିତ ଚୁକ୍ତି କରିବ। ଡ୍ରୋନ ବିତରଣ ସେବା ଓ୍ବିଙ୍ଗ୍ ନିକଟରେ ବ୍ଲୁ ବେଲ ଆଇସ୍କ୍ରିମ୍ ବିତରଣ ଆରମ୍ଭ କରିଛି। ଆଇସକ୍ରିମ୍ ତରଳିବା ପୂର୍ବରୁ ଗ୍ରାହକଙ୍କ ନିକଟରେ ପହଞ୍ଚିଯିବ। ଯାହା ଟେକ୍ସାସର ଫ୍ରିସ୍କୋ ଏବଂ ଲିଟିଲ ଆଲମରେ ଆରମ୍ଭ ହୋଇଛି। ଏହି ସେବା ପାଇଁ ଏକ ଆପ୍ ପ୍ରସ୍ତୁତ କରାଯାଇଛି, ଯାହା ମାଧ୍ୟମରେ ଡ୍ରୋନ୍ ସେବା ନିଆଯାଇପାରିବ।
ଡ୍ରୋନ ମାଧ୍ୟମରେ ଡେଲିଭରି ପାଇବାକୁ ଚାହୁଁଥିବା ଲୋକଙ୍କୁ ଓ୍ବିଙ୍ଗ୍ ଆପ ମାଧ୍ୟମରେ ଅର୍ଡର ଦେବାକୁ ପଡ଼ିବ। ଅବଶ୍ୟ ଏହାପୂର୍ବରୁ ସେମାନଙ୍କୁ ମଧ୍ୟ ଦେଖିବାକୁ ପଡ଼ିବ ଯେ, ସେମାନଙ୍କ ଅଞ୍ଚଳରେ ଡ୍ରୋନ୍ ସେବା ଅଛି କି ନାହିଁ ଏବଂ ଯଦି ଥାଏ ତେବେ ସେମାନେ ନିଜ ଅଞ୍ଚଳରେ ଆବଶ୍ୟକ ଜିନିଷ ବିତରଣ କରିବେ କି ନାହିଁ । ଓ୍ବିଙ୍ଗର ଡ୍ରୋନ୍ ତିନି ପାଉଣ୍ଡ ପର୍ଯ୍ୟନ୍ତ ମାଲ ପରିବହନ କରିପାରିବ। ଓ୍ବିଙ୍ଗ୍ ଆପ ଡ୍ରୋନ ଟ୍ରାକ କରିବ। ଡ୍ରୋନର ପାଇଲଟମାନେ ଡ୍ରୋନ୍ର ତଦାରଖ କରନ୍ତି କିନ୍ତୁ ଡ୍ରୋନ ସ୍ବତଃ ପ୍ରବୃତଃ ଭାବରେ ଉଡ଼ିଥାଏ। ଥରେ ଅର୍ଡର ଦେବା ପରେ, ଡ୍ରାଇଭର ଅର୍ଡର ନେବା ବଦଳରେ, ସାମଗ୍ରୀ ପ୍ୟାକ ହୋଇ ଓ୍ବିଙ୍କ୍ ଡ୍ରୋନ୍ରେ ସୁରକ୍ଷିତ ରହିବ ଏବଂ ତା’ପରେ ଘରକୁ ପଠାଯିବ।