ଭୁବନେଶ୍ୱର,୨୭।୬: ଦେଶର ପ୍ରମୁଖ ଘରୋଇ ଡ୍ରୋନ୍ ଟେକ୍ ଏବଂ ଆନାଲିଟିକ୍ସ କମ୍ପାନୀ ‘ଆଇଜି ଡ୍ରୋନ୍ସ’ର ବହୁ ପ୍ରତୀକ୍ଷିତ ପ୍ରକଳ୍ପ ତଥା ପୁରୀ ଅନ୍ତର୍ଜାତୀୟ ବିମାନବନ୍ଦରର ଡ୍ରୋନ୍ ସର୍ଭେ କାର୍ଯ୍ୟ ନିକଟରେ ଶେଷ ହୋଇଛି। ଏପରିକି ଆଇଜି ଡ୍ରୋନ୍ସ ଏହି ସର୍ଭେ କାର୍ଯ୍ୟ ଗତ ୨ମାସରେ ସମ୍ପୂର୍ଣ୍ଣ କରିଥିଲା। ସେହିଭଳି ହାଇଟେକ୍ ଡ୍ରୋନ୍ଗୁଡିକ ଜରିଆରେ କମ୍ପାନୀ ଏହି ପ୍ରକଳ୍ପର ସର୍ବେକ୍ଷଣ କରିଥିଲାବେଳେ ଏହା ଡିଟେଲ୍ଡ ପ୍ରୋଜେକ୍ଟ ରିପୋର୍ଟ (ଡିପିଆର୍) ପ୍ରସ୍ତୁତ କରିବାରେ ବେଶ୍ ସହାୟକ ହେବ ବୋଲି କୁହାଯାଉଛି। ଅପରପକ୍ଷରେ କମ୍ପାନୀ ବିମାନବନ୍ଦର କାର୍ଯ୍ୟର ବିଦ୍ୟମାନ ପ୍ରଗତିକୁ ନିୟମିତ ତଦାରଖ କରିବା ପାଇଁ ଘରୋଇ ଭାବେ ବିକଶିତ ଡ୍ରୋନ୍ଗୁଡିକର ଉପଯୋଗ କରିବ। ଏପରିକି ଏହି ଡ୍ରୋନ୍ଗୁଡିକରେ ହାଇ ରିଜୋଲ୍ୟୁଶନ ଇମେଜ, ଭିଡିଓ ଓ ଅତିରିକ୍ତ ଡାଟା ହାସଲ କରିବା ପାଇଁ ଆଡଭାନ୍ସଡ୍ ସେନ୍ସର ସାମିଲ ରହିଛି। ଏହି ଡାଟାକୁ କମ୍ପାନୀର ନିଜସ୍ବ ସଫ୍ଟୱେର ଆଇଜି ୱାନ୍ ମାଧ୍ୟମରେ ପ୍ରୋସେସ୍ କରାଯିବ, ଯାହା ଗଭୀର ବୈଷୟିକ ତଥ୍ୟ ଓ ରିଅଲ-ଟାଇମ ପ୍ରୋଜେକ୍ଟ ଟ୍ରାକିଂ ପ୍ରଦାନ କରିବ।
ଏ ସମ୍ପର୍କରେ ଆଇଜି ଡ୍ରୋନ୍ସର ପ୍ରତିଷ୍ଠାତା ତଥା ସିଇଓ ବୋଧିସତ୍ୱା ସଂଘପ୍ରିୟା କହିଛନ୍ତି, ଓଡ଼ିଶାର ଏକ ଅଗ୍ରଣୀ ଟେକ୍ କମ୍ପାନୀ ଭାବେ ଆମେ ପ୍ରଭୁ ଶ୍ରୀଜଗନ୍ନାଥଙ୍କ ଏହି ପ୍ରକଳ୍ପର ସର୍ଭେ କାର୍ଯ୍ୟ କରିବା ପାଇଁ ସୁଯୋଗ ପାଇଥିଲାବେଳେ ସରକାରଙ୍କଠାରୁ କଣ୍ଟ୍ରାକ୍ଟ ପାଇବା ପରେ ଆମେ ତତ୍କ୍ଷଣାତ ଆମର ହାଇଟେକ୍ ଡ୍ରୋନ୍ ଟେକ୍ନୋଲୋଜି ସହ କାର୍ଯ୍ୟ ଆରମ୍ଭ କରିଥିଲୁ। ଏପରିକି ଆମର ଟିମ୍ ମ୍ୟାପିଂ ଓ ସର୍ଭେ କାର୍ଯ୍ୟରେ ନିଜର ସମସ୍ତ ପ୍ରୟାସ ବିନିଯୋଗ କରିଥିଲାବେଳେ ଆମେ ଏହି ପ୍ରକଳ୍ପ ପାଇଁ ୧୦ ଟି ଡ୍ରୋନ ନିୟୋଜିତ କରିଥିଲୁ। ସେହିଭଳି ଆମେ ଅତୀତରେ ମେଟ୍ରୋ ରେଲ୍, ବୁଲେଟ ଟ୍ରେନ ଓ ଖଣ ପ୍ରକଳ୍ପ ଭଳି ଅନେକ ପ୍ରକଳ୍ପର ସର୍ଭେ କରିଛୁ ଏବଂ ଏହି ପ୍ରକଳ୍ପ ଆମର ଆଉ ଏକ ସଫଳତା ବୋଲି ସେ ବିସ୍ତୃତ ଭାବେ ମତପ୍ରକାଶ କରିଛନ୍ତି।
ଅପରପକ୍ଷରେ କମ୍ପାନୀ ପ୍ରଭୁ ଶ୍ରୀଜଗନ୍ନାଥଙ୍କ ଦ୍ୱାରା ଅନୁପ୍ରାଣିତ ଆଇଜି ଡ୍ରୋନ୍ସ ଜଗାର ଶୁଭାରମ୍ଭ କରିଛି, ଯାହାକି ସୁରକ୍ଷା, ପ୍ରତିରକ୍ଷା, କୃଷି, ଭିତ୍ତିଭୂମି କ୍ଷେତ୍ରର ତଦାରଖରେ ସଫଳତା ହାସଲ କରିଥିବା ଅତ୍ୟାଧୁନିକ ସର୍ଭେଲାନ୍ସ ଡ୍ରୋନ୍ । ହାଇ ରିଜୋଲ୍ୟୁଶନ କ୍ୟାମେରା ଓ ଆଡ୍ଭାନ୍ସଡ ସେନ୍ସରେ ସୁସଜ୍ଜିତ ଏହାର ମଜଭୁତ ଡିଜାଇନ ଠିକ୍ ଡାଟା ସଂଗ୍ରହ ଓ ବାସ୍ତବ ସମୟର ନିରୀକ୍ଷଣ ସୁନିଶ୍ଚିତ କରିଥାଏ। ଉଦ୍ଭାବନ ସହ ନିର୍ଭରଯୋଗ୍ୟକୁ ଏକତ୍ରିତକରି ଏହା ଅତୁଳନୀୟ କାର୍ଯ୍ୟଦକ୍ଷତା ପ୍ରଦାନ କରିଥାଏ।