ପୁରୀ ଅଫିସ,୧୪ା୮: ପୁରୀରେ ଗୁରୁବାର ଅପରାହ୍ନରେ ପ୍ରାୟ ଘଣ୍ଟାଏ ନିର୍ଦ୍ଧୁମ ବର୍ଷା ହୋଇଥିଲା। ଫଳରେ କିଛି ସମୟ ପାଇଁ ବଡ଼ଦାଣ୍ଡ ଏକପ୍ରକାର ବୁଡ଼ିଯାଇଥିଲା। ବର୍ଷା ଛାଡ଼ିିବା ପରେ ସ୍ଥିତି ସ୍ବାଭାବିକ ହୋଇଥିଲା। ଅପରାହ୍ନ ପ୍ରାୟ ସାଢେ ୩ଟାରେ ଆକାଶରେ ଘୋଟି ଆସିଥିଲା କଳା ବାଦଲ। ଚାହୁଁ ଚାହୁଁ ଅଜାଡ଼ିି ହୋଇପଡ଼ିଥିଲା ପ୍ରବଳ ବର୍ଷା। ୧ ଘଣ୍ଟାରୁ ଊର୍ଦ୍ଧ୍ୱ ସମୟ ଧରି ବର୍ଷିଥିଲା। ସହରର ସବୁ ରାସ୍ତାଘାଟ ଜଳମଗ୍ନ ହୋଇଯାଇଥିଲା। ବିଶେଷକରି ବଡଦାଣ୍ଡର ସ୍ଥିତି ଅଧିକ ସଙ୍ଗିନ ହୋଇପଡ଼ିିଥିଲା। ବର୍ଷା ପାଣି ସହ ଡ୍ରେନ୍ ପାଣି ମିଶି ଅସ୍ବାଭାବିକ ପରିସ୍ଥିତି ସୃଷ୍ଟି କରିଥିଲା। ସେହିପରି ସହରର ବିଭିନ୍ନ ଗଳିକନ୍ଦି ରାସ୍ତା ବି ବୁଡ଼ି ଯାଇଥିଲା। ବିଶେଷକରି ଘଣାମଲ୍ଲ ସାହିରେ ସ୍ଥିତି ସବୁଠୁ ସଙ୍ଗିନ ରହିଥିଲା। ବର୍ଷା ପାଣି ନିଷ୍କାସନ ହୋଇ ନ ପାରି ପ୍ରବଳ ବେଗରେ ସୁଅ ପଡ଼ିିଥିଲା। ପ୍ରାୟ ୩ ଫୁଟ ଉଚ୍ଚର ପାଣି ସୁଅ ଭୟ ସୃଷ୍ଟି କରିଥିଲା। ବର୍ଷା ଛାଡ଼ିିବା ପରେ ଧୀରେ ଧୀରେ ପାଣି ନିଷ୍କାସନ ହୋଇଥିଲା।