ମୁମ୍ବାଇ, ୧୩।୬ : ଡ୍ରଗ ମାମଲାରେ ବଲିଉଡ ଅଭିନେତ୍ରୀ ଶ୍ରଦ୍ଧା କପୁରଙ୍କ ଭାଇ ସିଦ୍ଧାନ୍ତ କପୁରଙ୍କୁ ପୋଲିସ ଗରଫ କରିଛି। ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ପରେ ବଲିଉଡ୍ର ବହୁ ସେଲିବ୍ରିଟିଙ୍କ ନାମ ଡ୍ରଗ ମାମଲା ସହ ଜଡିତ ହେବାରେ ଲାଗିଛି। ଶ୍ରଦ୍ଧା କପୁରଙ୍କ ଭାଇ ସିଦ୍ଧାନ୍ତ କପୁରଙ୍କୁ ଡ୍ରଗ୍ସ ମାମଲାରେ ବେଙ୍ଗାଲୁରୂରେ ପୋଲିସ ଗିରଫ କରିଛି। ରିପୋର୍ଟ ଅନୁଯାୟୀ, ବେଙ୍ଗାଲୁରୂର ଏମ.ଜି ରୋଡରେ ଅବସ୍ଥିତ ହୋଟେଲରେ ଶ୍ରଦ୍ଧା କପୁରଙ୍କ ଭାଇଙ୍କ ସମେତ ଅନେକ ଲୋକ ପାର୍ଟି କରୁଥିଲେ। ପୋଲିସ ପକ୍ଷରୁ ଏହି ପାର୍ଟିରେ ଚଢ଼ାଉ କରାଯାଇ ଶ୍ରଦ୍ଧା କପୁରଙ୍କ ଭାଇଙ୍କ ସମେତ ଅନେକ ଲୋକଙ୍କୁ ଗିରଫ କରିଥିଲା। ରିପୋର୍ଟ ଅନୁଯାୟୀ, ସମୁଦାୟ ୩୫ ଜଣଙ୍କ ନମୁନା ପୋଲିସ ପଠାଇଥିଲା। ସେଥିମଧ୍ୟରୁ ୬ ଜଣଙ୍କ ରିପୋର୍ଟ ଡ୍ରଗ୍ସ ପରୀକ୍ଷାରେ ପଜିଟିଭ୍ ଆସିଛି। ସେମାନଙ୍କ ମଧ୍ୟରେ ସିଦ୍ଧାନ୍ତଙ୍କ ନମୁନା ମଧ୍ୟ ରହିଛି। ସୂଚନା ଅନୁଯାୟୀ, ଏହି ଲୋକମାନେ ଡ୍ରଗ୍ସ ସହିତ ପାର୍ଟିରେ ପହଞ୍ଚିଛନ୍ତି ନା ହୋଟେଲକୁ ଆସି ଡ୍ରଗ୍ସ ନେଇଛନ୍ତି ତାହା ସ୍ପଷ୍ଟ ହୋଇନାହିଁ।
ସିଦ୍ଧାନ୍ତ କପୁର ବଲିଉଡ୍ ଫିଲ୍ମରେ ନିଜ ଭାଗ୍ୟ ପରୀକ୍ଷା କରିଛନ୍ତି କିନ୍ତୁ ସଫଳ ହୋଇନାହାଁନ୍ତିର୍। ବଲିଉଡ ଚଳଚ୍ଚିତ୍ରରେ ଏକ ଫ୍ଲପ ହିରୋ ରହିଛନ୍ତି। ସିଦ୍ଧାନ୍ତ କିଛି ୱେବ ସିରିଜ ଏବଂ ମ୍ୟୁଜିକ ଭିଡିଓରେ ମଧ୍ୟ ନଜର ଆସିଛନ୍ତି। ସିଦ୍ଧାନ୍ତ ତାଙ୍କ ଭଉଣୀ ଶ୍ରଦ୍ଧାଙ୍କ ଫିଲ୍ମ ହସିନା ପାର୍କରରେ କାମ କରିଥିଲେ କିନ୍ତୁ ଏହି ଚଳଚ୍ଚିତ୍ରଟି ବକ୍ସ ଅଫିସରରେ ସଫଳ ହୋଇ ପାରି ନଥିଲା।
