ନୂଆଦିଲ୍ଲୀ,୨୭।୧୦: ଶାହରୁଖ୍ ଭାଜପାରେ ମିଶିଲେ ଡ୍ରଗ୍ସ ହେବ ଚିନି। ଏଭଳି ମନ୍ତବ୍ୟ ଦେଇଛନ୍ତି ମହାରାଷ୍ଟ୍ର ମନ୍ତ୍ରୀ ଛଗନ ଭୂଜବଳ। ଭାଜପାର ଦୋମୁହାଁ ନୀତିକୁ ନେଇ ସେ ଏଭଳି ମନ୍ତବ୍ୟ ଦେଇଛନ୍ତି। ଶାହରୁଖ୍ଙ୍କ ପୁଅ ଆର୍ୟନ ଖାନ୍ ମୁମ୍ବାଇ ଡ୍ରଗ୍ସ ମାମଲାରେ ଗିରଫ ହୋଇଛନ୍ତି। ଏହି ଘଟଣାରେ ଅନେକ ମତ ଦେବା ପରେ ଏବେ ଛଗନ ଏହି ମନ୍ତବ୍ୟ ଦେଇଛନ୍ତି। ଆର୍ୟନଙ୍କ କେସ୍ରେ ଏଯାଏ ବେଲ୍ ମିଳି ପାରୁ ନଥିବା ବେଳେ ଏବେ ଏହାକୁ ନେଇ ରାଜନୀତି ଆରମ୍ଭ ହୋଇଗଲାଣି। ମହାରାଷ୍ଟ୍ର ବିଡ୍ ଜିଲାର ଏକ ଜନ ସମାବେଶରେ ସେ ଏହା କହିଛନ୍ତି।
ସୂଚନାନୁସାରେ, ଡ୍ରଗ୍ସ ମାମଲାରେ ଆର୍ୟନ ଖାନଙ୍କୁ ଏନ୍ସିବି ଗିରଫ କରିଛି। ତାଙ୍କ ରିମାଣ୍ଡ ଆବେଦନ ବାରମ୍ବାର ଖାରଜ ହେଉଛି। ଜାହାଜର କ୍ରୁଜ ପାର୍ଟି ସମୟରେ ସେ ଓ ତାଙ୍କ ବନ୍ଧୁ ମାନଙ୍କୁ ଧରା ଯାଇଥିଲା। ଏହି ଘଟଣାରେ ତାଙ୍କ ବନ୍ଧୁ ଅବବାଜ୍ ମରଚାଣ୍ଟ ଏବଂ ମୁନମୁନ୍ ଢାମ୍ଚେଙ୍କୁ ମଧ୍ୟ ଏନ୍ସିବି ଗିରଫ କରିଛି।