ନୂଆଦିଲ୍ଲୀ,୨୨।୬: ଡିଏସ୍ପି ମ୍ୟୁଚୁଆଲ ଫଣ୍ଡ୍ର ନୂତନ ଉତ୍ପାଦ ‘ଡିଏସ୍ପି ନିଫ୍ଟି ଆଇଟି ଇଟିଏଫ୍’ର ଉନ୍ମୋଚନ ନିକଟରେ ହୋଇଯାଇଛି। ବିଶେଷକରି ଏହା ଏକ ଓପୋନ ଏଣ୍ଡେଡ୍ ଏକ୍ସଚେଞ୍ଜ ଟ୍ରେଡେଡ୍ ଫଣ୍ଡ୍ ଭାବେ ଜଣାଶୁଣା। ଏପରିକି ଦୀର୍ଘମିଆଦୀ ଭିତ୍ତିରେ ଆଇଟି କମ୍ପାନୀଗୁଡ଼ିକର ଉନ୍ନତ ପ୍ରଦର୍ଶନରୁ ଲାଭ ପାଇବା ଲାଗି ଏହି ଇଟିଏଫ୍ ନିବେଶକମାନଙ୍କୁ ସୁଯୋଗ ପ୍ରଦାନ କରିବ। ସେହିଭଳି ଡିଏସ୍ପି ନିଫ୍ଟି ଆଇଟି ଇଟିଏଫ୍ର ନୂଆ ଫଣ୍ଡ୍ ଅଫରର ସବ୍ସ୍କ୍ରିପ୍ସନ୍ ୨୦୨୩ ଜୁଲାଇ ୩ରେ ବନ୍ଦ ହେବ।
ଏ ସମ୍ପର୍କରେ ଡିଏସ୍ପି ମ୍ୟୁଚୁଆଲ୍ ଫଣ୍ଡ୍ର ମୁଖ୍ୟ-ପାସିଭ୍ ନିବେଶ ଓ ଉପତ୍ାଦ ସିଏଫ୍ଏ ଅନିଲ ଗିଲାନି କହିଛନ୍ତି, ବିଶ୍ୱସ୍ତରରେ ପ୍ରତିଦ୍ୱନ୍ଦ୍ୱିତା ପାଇଁ ଭାରତୀୟ ଆଇଟି କ୍ଷେତ୍ର ନିରନ୍ତର ପ୍ରଦର୍ଶନ କରୁଛି। ଦୀର୍ଘମିଆଦୀ ଅଭିବୃଦ୍ଧି କାହାଣୀରୁ ଲାଭ ପାଇବାକୁ ଚାହୁଥିବା ନିବେଶକମାନେ ନିଫ୍ଟି ଆଇଟି ସୂଚୀରେ ନିବେଶ କରିବା ବିଷୟରେ ବିଚାର କରିପାରିବେ, ଯାହାର ପ୍ରଦର୍ଶନ ନିକଟ ଅତୀତରେ ଆଶାନୁରୂପ ରହିନାହିଁ। ଆମର ବିଶ୍ୱାସ ରହିଛି ଯେ ବର୍ତ୍ତମାନ ସ୍ତରରେ ମୂଲ୍ୟାୟନ ହାରାହାରିର ଗୁଣିତକ ଆଡ଼କୁ ଅଗ୍ରସର ହେଉଛି ଏବଂ ଏହି କ୍ଷେତ୍ରର ଅଧିକାଂଶ କମ୍ପାନୀ ସୁସ୍ଥ ରହିଛନ୍ତି ଏବଂ ବିଶ୍ୱସ୍ତରୀୟ ପ୍ରତିଦ୍ୱନ୍ଦ୍ୱୀ କମ୍ପାନୀ ତୁଳନାରେ ସୁଲଭ ରହିଛନ୍ତି। ବିଗତ କିଛି ବର୍ଷ ଭିତରେ ଅନ୍ୟ କ୍ଷେତ୍ରଗୁଡ଼ିକ ତୁଳନାରେ ଭାରତର ଆଇଟି କ୍ଷେତ୍ର ନିରନ୍ତର ଭାବେ ଆଗକୁ ବଢ଼ୁଛି ଏବଂ ଜିଡିପିକୁ ତାହାର ଅବଦାନ ମଧ୍ୟ ବୃଦ୍ଧି ପାଉଛି। କିଛି ବର୍ଷ ଭିତରେ ବିଶ୍ୱସ୍ତରୀୟ ପ୍ରତିଦ୍ୱନ୍ଦ୍ୱୀଙ୍କ ତୁଳନାରେ ଭାରତୀୟ ଆଇଟି ଉଲ୍ଲେଖନୀୟ ଭାବେ ଆଗକୁ ବଢ଼ିଛନ୍ତି, ଯାହା ଫଳରେ ସେମାନଙ୍କ ବଜାର ଅଂଶରେ ବୃଦ୍ଧି ହୋଇଛି। ଆଇଟି କ୍ଷେତ୍ରର ରାଜସ୍ବ ପ୍ରଥା ଲାଗି ବିଶ୍ୱସ୍ତରରେ ସୁଯୋଗ ପ୍ରଦାନ କରୁଛି। ଫଳରେ ଦେଶ ଭିତରେ ଦେଖାଦେଉଥିବା ବିପଦଠାରୁ ତାହା ସୁରକ୍ଷା ପ୍ରଦାନ କରୁଛି। ଇକ୍ୱିଟି ପିଛା ଅଧିକ ରିଟର୍ନ ଓ ସମ୍ପତ୍ତି ପିଛା ଅଧିକ ରିଟର୍ନ ଭାବେ ବିଶ୍ୱର ପ୍ରତିଦ୍ୱନ୍ଦ୍ୱୀଙ୍କ ତୁଳନାରେ ଆଇଟି କ୍ଷେତ୍ରର ଆର୍ଥିକ ଦୃଢ଼ତା ଭଲ ରହିଛି। ନିଫ୍ଟି ୫୦ ରେ ନିଫ୍ଟି ଆଇଟି ସୂଚୀର ପ୍ରଦର୍ଶନ ତଳୁଆ ରହିଥିବା ବେଳେ ସାଧାରଣତଃ ସେଥିରେ ସୁଧାର ଘଟିଥାଏ। ନିଫ୍ଟି ୫୦ରେ ଆଇଟି କ୍ଷେତ୍ରର ଗୁରୁତ୍ୱ ଦୀର୍ଘମିଆଦୀ ହାରରେ ହ୍ରାସ ପାଇଛି। ୧, ୩, ୫ ଓ ୧୦ ବର୍ଷୀୟା ଅବଧିରେ ରୋଲିଂ ରିଟର୍ନ ଆଧାରରେ ନିଫ୍ଟି ୫୦ରେ ନିଫ୍ଟି ଆଇଟି ସୂଚୀ ଅଧିକ ପ୍ରଦର୍ଶନ କରୁଛି।