ଆଜିକାଲି ସୋସିଆଲ ମିଡିଆରେ କିଛି ଭିଡିଓ ଭାଇରାଲ ହେଉଛି ଯାହାକୁ ଦେଖିଲେ ଲୋକେ ହସି ହସି ବେଦମ୍ ହେଉଛନ୍ତି । ଏବେ ସେମିତି ଏକ ଭିଡିଓ ଆସିଛି ଦୁବଇରୁ । ଉକ୍ତ ଭିଡିଓରେ ଦୁବଇର କ୍ରାଉନ୍ ପ୍ରିନ୍ସ ଶେଖ ହମଦାନ ବିନ ରସିଦ ଅଲ ମାକତୋମ ଦେଖାଯାଉଛନ୍ତି । ଭିଡିଓରେ କ୍ରାଉନ ପ୍ରିନ୍ସ ୨ଟି ଅଷ୍ଟ୍ରିଜ୍ ବା ଏମୁ ପକ୍ଷୀଙ୍କ ସହ ରେସ୍ ଲଗାଇଥିବା ଦେଖାଯାଇଛି । ଯାହା ଏବେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । ସାଇକେଲରେ ରହି ସେ ଅଷ୍ଟ୍ରିଜ୍ ବା ଏମୁ ପକ୍ଷୀଙ୍କ ସହ ରେସ୍ ଲଗାଇ ଏହାର ମଜା ଉଠାଉଛନ୍ତି । ଏହି ଭିଡିଓକୁ କ୍ରାଉନ୍ ପ୍ରିନ୍ସ ନିଜେ ତାଙ୍କ ଇନଷ୍ଟାଗ୍ରାମରେ ଶେୟାର କରିଛନ୍ତି । ଯାହାକୁ ଏପର୍ଯ୍ୟନ୍ତ ୪ ଲକ୍ଷରୁ ଅଧିକ ଭ୍ୟୁଜ ମିଳି ସାରିଲାଣି । ସୂଚନାଯୋଗ୍ୟ, ପୂର୍ବରୁ ଥରେ କ୍ରାଉନ୍ ପ୍ରିନ୍ସ ଗୋଟିଏ ପକ୍ଷୀର ସଂରକ୍ଷଣ ପାଇଁ ନିଜର ଦାମୀ କାର୍କୁ ତ୍ୟାଗ କରିଥିଲେ ।
