ମୁମ୍ବାଇ: ସୁପରଷ୍ଟାର ଶାହାରୁଖ ଖାନ ଚଳିତ ବର୍ଷର ତୃତୀୟ ବ୍ଲକବଷ୍ଟର ଫିଲ୍ମ ଭେଟି ଦେବାକୁ ପ୍ରସ୍ତୁତ ହେଉଛନ୍ତି। ପଠାନ ଏବଂ ଯବାନର ବଡ ସଫଳତା ପରେ ବର୍ତ୍ତମାନ ଅଭିନେତା ‘ଡଙ୍କି’ ସହିତ ପ୍ରେକ୍ଷାଳୟକୁ ଆସିବାକୁ ଯାଉଛନ୍ତି। କିଙ୍ଗ୍ଖାନଙ୍କ ଏହି ଚଳଚ୍ଚିତ୍ରକୁ ନେଇ ପ୍ରଶଂସକଙ୍କ ମଧ୍ୟରେ କ୍ରେଜ୍ ରହିଛି। ‘ଡଙ୍କି’ର ଆଡଭାନ୍ସ ବୁକିଂ ଶନିବାରଠାରୁ ଆରମ୍ଭ ହୋଇଯାଇଛି ଏବଂ ଫିଲ୍ମର ପ୍ରଥମ ଦିନ ପ୍ରଥମ ଶୋ’ ପାଇଁ ଟିକେଟ୍ ଶୀଘ୍ର ବିକ୍ରି ହେଉଛି।
‘ଡଙ୍କି’ର ନିର୍ଦ୍ଦେଶନା ଦେଇଛନ୍ତି ରାଜକୁମାର ହିରାନୀ। ସେ ଏହା ପୂର୍ବରୁ ସେ ‘୩ ଇଡିଅଟ୍ସ’, ‘ପି.କେ’ ଏବଂ ‘ସଞ୍ଜୁ’ ଭଳି ସୁପର-ଡୁପର ହିଟ୍ ଫିଲ୍ମ କରିଛନ୍ତି। ଏବେ ସେ କିଙ୍ଗ୍ଖାନଙ୍କ ସହ ‘ଡଙ୍କି’ରେ ଆସୁଛନ୍ତି। ସମସ୍ତେ ଆଶା କରୁଛନ୍ତି ଯେ ଏହି ଯୋଡି ବକ୍ସ ଅଫିସରେ ଅନେକ ରେକର୍ଡ ସୃଷ୍ଟି କରିପାରନ୍ତି। ଯଦି ଆମେ ‘ଡଙ୍କି’ର ଆଡଭାନ୍ସ ବୁକିଂ ବିଷୟରେ କଥା ହେବା। ତେବେ ବର୍ତ୍ତମାନ ପର୍ଯ୍ୟନ୍ତ ସାରା ଦେଶରେ ୩ ଲକ୍ଷ ୬୪ ହଜାର ୪୮୭ ଟିକେଟ୍ ବୁକ ହୋଇସାରିଛି। ଏହା ସହିତ ‘ଡଙ୍କି’ ରିଲିଜ୍ ପୂର୍ବରୁ ୧୦.୩୯ କୋଟି ଟଙ୍କା ରୋଜଗାର କରିଛି। ସୂଚନାଯୋଗ୍ୟ, ଡିସେମ୍ବର ୨୧ରେ ‘ଡଙ୍କି’ ସିନେମାଘରେ ମୁକ୍ତଲାଭ କରିବ।
