ଭୋପାଳ,୨୦ା୧୦: ମଧ୍ୟପ୍ରଦେଶର ଗ୍ବାଲିଅରରେ ଗୁପ୍ତା ଜୀ ଚାଟ୍ ବିକାଳି ବେଶ୍ ପ୍ରସିଦ୍ଧ। ତାଙ୍କ ଚେହେରା ଅବିକଳ ଆମ୍ ଆଦମୀ ପାର୍ଟିର ମୁଖ୍ୟ ତଥା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ପରି। ମୋତିମହଲ ବ୍ୟାଙ୍କ ସମ୍ମୁଖରେ ଗୁପ୍ତା ଜୀ ଏକ ଚାଟ୍ ଦୋକାନ ଖୋଲିଛନ୍ତି। ତାଙ୍କ ଚେହେରା ଅରବିନ୍ଦ କେଜ୍ରିଓ୍ବାଲଙ୍କ ପରି ହୋଇଥିବାରୁ ଲୋକେ ଚାଟ୍ ଖାଇବାକୁ ଭିଡ଼ ଜମାଇଥାନ୍ତି। ତାଙ୍କ ନାମ ଗୌରବ ଗୁପ୍ତା। ସେ ଜାଗୃତି ନଗର, ଲକ୍ଷ୍ମୀଗଞ୍ଜ ନିବାସୀ ଅଟନ୍ତି। ଉତ୍ତରପ୍ରଦେଶରେ ରହୁଛନ୍ତି।
ଗୁପ୍ତା ଜୀ କୁହନ୍ତି, ସେ ଯେଉଁଆଡ଼େ ଯାଆନ୍ତି ତାଙ୍କୁ ଦେଖିବା ପାଇଁ ଲୋକଙ୍କ ଭିଡ଼ ଜମେ। କେଜ୍ରିଓ୍ବାଲ କହି ଚିଡ଼ାନ୍ତି। ସେ ମୁଖ୍ୟତଃ ପାପ୍ଡି ଚାଟ୍, କଟୋରୀ ଚାଟ୍, ରସଗୋଲା, ଦହିବରା, ସିଙ୍ଗଡ଼ା ପରି ଅନେକ ଖାଦ୍ୟ ସାମଗ୍ରୀ ପ୍ରସ୍ତୁତ କରିଥାନ୍ତି।
ଗତ ୧୦-୧୧ ବର୍ଷ ଧରି ସେ ଏହି ଚାଟ୍ ଦୋକାନ କରିଛନ୍ତି। ଦିନ ୧୨ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ସେ ଦୋକାନ ଖୋଲିଥାନ୍ତି। ଏପରିକି ସକାଳ ୬ରୁ ପୂରା ପରିବାର ମିଶି ଦୋକାନ କାମରେ ଲାଗିଥାନ୍ତି। ପୂର୍ବରୁ ସେ ଏକ ଜଳଖିଆ ଦୋକାନ କରିଥିଲେ। ଗୌରବଙ୍କ ଇଚ୍ଛା ଥିଲା ସେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ଭେଟିବେ। ମାତ୍ର ସେ ଭାଗ୍ୟ ତାଙ୍କର ଏଯାଏ ଜୁଟିନି। ଗୌରବଙ୍କର ରାଜନୀତିରେ କୌଣସି ଲେଣଦେଣ ନାହିଁ। ତଥାପି ସେ ଥରେ କେଜ୍ରିଓ୍ବାଲଙ୍କୁ ଭେଟିବାକୁ ଚାହାନ୍ତି। ଦେଖାଯାଉ କେବେ ସେ ସୁଯୋଗ ଆସୁଛି।