କୋକସରା,୨୪।୯(ଦୁଷ୍ମନ୍ତ କୁମାର ପାଟ୍ଟଯୋଶୀ): ଆସିଛି ପାର୍ବଣ। ଧରାବତାରଣ କରିବେ ମା’ ଜଗତ ଜନନୀ ଦୁର୍ଗା। କଳାହାଣ୍ଡି ଜିଲା କୋକସରା ସଦର ମହକୁମାରେ ପାଳନ ହେଉଥିବା ସାର୍ବଜନୀନ ଦୁର୍ଗା ପୂଜା ପାଇଁ ରବିବାର କମିଟି ପକ୍ଷରୁ ମା’ଙ୍କ ପ୍ରତିମା ନିର୍ମାଣ ପାଇଁ ମାଟି ଅନୁକୂଳ କରାଯାଇଛି।
ଏହି ଅବସରରେ ଚିଲିଗୁଡ଼ା ମୁଟ୍ରା ନଦୀ କୁଳରୁ ପୂଜକ ପ୍ରତାପ ଚନ୍ଦ୍ର ପାଣିଗ୍ରାହୀ, ଗ୍ରାମ୍ୟ ପୂଜକ ନନ୍ଦ କିଶୋର ଧରୁଆଙ୍କ ପୂଜାର୍ଚ୍ଚନା ପରେ ପୂଜା କର୍ତ୍ତା ଭାବେ ଇନ୍ଦ୍ରମଣି ଧ. ମାଝି ସମସ୍ତ ପୂଜା କାର୍ଯ୍ୟ ସମ୍ପାଦନ କରିଥିଲେ। ସାର୍ବଜନୀନ ଦୁର୍ଗା ପୂଜା କମିଟି ସଭାପତି ତ୍ରିଭୁବନ ନାଏକ, ସମ୍ପାଦକ ଅଧୁରାଜିତ ନାଏକ, ଯୁଗ୍ମ ସମ୍ପାଦକ ଅମୂଲ୍ୟ ବିଶି, ଅମିତ ସୁନା, କୋଷାଧ୍ୟକ୍ଷ ତପନ ମାଝି, ସୀମାଞ୍ଚଳ ବେହେରା, ମହେନ୍ଦ୍ର ପ୍ରଧାନୀ, ଉପଦେଷ୍ଟା କମିଟିର ରାମଚନ୍ଦ୍ର ପାଣିଗ୍ରାହୀ, ଅଭିମନ୍ୟୁ ଧ. ମାଝି, ଦୁଷ୍ମନ୍ତ ପାଟଯୋଶୀ, ନବୀନ ନାଏକ, ସୁଶାନ୍ତ କୁମାର ବେହେରା, ସେବକ ଘନଶ୍ୟାମ ପ୍ରଧାନୀ ପ୍ରମୁଖ ଉପସ୍ଥିତ ରହିଥିଲେ।