ଭୁବନେଶ୍ୱର,୨୧।୪(ବ୍ୟୁରୋ): ପୁରୁଣା ଭୁବନେଶ୍ୱର ଅଞ୍ଚଳର ସୁକସାରି ମନ୍ଦିର ପାର୍ଶ୍ୱରେ ବୁଧବାର ସକାଳେ ଖନନ କାର୍ଯ୍ୟ ଚାଲିଥିବାବେଳେ ମାଟିତଳୁ ଏକ ପ୍ରାଚୀନ ଦେବୀଙ୍କ ମୂର୍ତ୍ତି ମିଳିଛି। ଭୁବନେଶ୍ୱରକୁ ସୌନ୍ଦର୍ଯ୍ୟକରଣ କରିବା ପାଇଁ ଏଏସ୍ଆଇ ପକ୍ଷରୁ ସୁକସାରି ମନ୍ଦିର ପାର୍ଶ୍ୱରେ ଖନନ କାର୍ଯ୍ୟ ଚାଲିଥିଲା। ଏହି ସମୟରେ ମନ୍ଦିରର ଗର୍ଭ ଗୃହରୁ ଚାରିଭୁଜ ଥିବା ଅର୍ଦ୍ଧ ନାରିଶ୍ୱର ମୂର୍ତ୍ତି ଥିବା ଜଣାପଡ଼ିଥିଲା। ଅଧିକାରୀମାନେ ଉକ୍ତ ମୂର୍ତ୍ତିକୁ ବାହାର କରିଥିବା ବେଳେ ପ୍ରାଥମିକ ଯାଞ୍ଚରୁ ଏହା ପ୍ରାୟତଃ ୭ ଶତାଦ୍ଧୀର ବୋଲି ଅନୁମାନ କରାଯାଉଛି। ଏହା ପୂର୍ବରୁ ମଧ୍ୟ ଖନନ ବେଳେ ଏହି ମନ୍ଦିର ପାର୍ଶ୍ୱରୁ ଅନେକ ଅଂଶ ଠାବ କରାଯାଇଥିଲା।