ନୂଆଦିଲ୍ଲୀ,୧୨।୯: ଅଲ ଆୟର୍ଲାଣ୍ଡ ଟି -୨୦ ମ୍ୟାଚର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ଗୋଟିଏ କୁକୁର ପାଇଁ ପଡ଼ିଆରେ ଉପସ୍ଥିତ ସମସ୍ତ ଦୌଡୁଥିବାର ଦେଖାଯାଇଛି। ବ୍ରେଡି କ୍ରିକେଟ କ୍ଲବରେ ବ୍ରେଡି ଏବଂ ସିଏସଏନଆଇ ମଧ୍ୟରେ ଖେଳାଯାଇଥିବା ମ୍ୟାଚ ସମୟରେ ଗୋଟିଏ କୁକୁର ପଡ଼ିଆକୁ ପ୍ରବେଶ କରି ବଲ ନେଇ ଦୌଡିବାକୁ ଲାଗିଲା। ଏହି ଘଟଣା ମ୍ୟାଚର ୯ ଓଭରରେ ଘଟିଥିଲା। ବର୍ଷା ହେତୁ ମ୍ୟାଚର ଓଭର ୧୨ ଓଭରକୁ ହ୍ରାସ କରାଯାଇଥିଲା। ୯ମ ଓଭରରେ ଏବି ଲେକି ବ୍ୟାଟିଂ କରି ଗୋଟିଏ ରନ୍ ପାଇଁ ଦୌଡିଥିଲେ। ଉଇକେଟ କିପର ରିଚେଲ ଓଭର ଥ୍ରୋ ଫିଙ୍ଗିଥିଲେ ଏବଂ ଏହା ପରେ କୁକୁରଟି ପାଟିରେ ବଲ ନେଇ ଦୌଡିବାକୁ ଆରମ୍ଭ କରିଥିଲା। ଖେଳାଳିମାନେ କୁକୁର ପଛରେ ଦୌଡୁଥିବା ମଧ୍ୟ ଦେଖିବାକୁ ମିଳିଥିଲା। ଏହା ପରେ ଜଣେ ଦର୍ଶକ କୁକୁରକୁ ପଡ଼ିଆରେ ଧରିଥିବାର ନଜର ଆସିଥିଲେ।