କେନ୍ଦ୍ରାପଡ଼ା,୩୦ା୭(ଜଗନ୍ନାଥ ଧଳ): ବର୍ଷାଋତୁ ଆରମ୍ଭ ପରେ କେନ୍ଦ୍ରାପଡ଼ା ଜିଲାର ଉପାନ୍ତ ଅଞ୍ଚଳବାସୀଙ୍କ ଚିନ୍ତା ବଢ଼ିଛିି ା ପ୍ରାକୃତିକ ବିପର୍ଯ୍ୟୟ ଭୟ ସଦାସର୍ବଦା ଲାଗି ରହୁଛି ା ତଟକ୍ଷୟ ଯୋଗୁ ସମୁଦ୍ର ପାଣି ଗ୍ରାମ ମଧ୍ୟକୁ ପଶିଆସିବା ଭୟ ରହୁଛି ା ରାଜନଗର ବ୍ଲକର ପେଣ୍ଠସ୍ଥିତ ଜିଓ ଟ୍ୟୁବୱାଲ ସୁରକ୍ଷିତ ନ ଥିବା ବେଳେ ଲୁଣା ତଟବନ୍ଧର ଆବଶ୍ୟକ ମରାମତି ହୋଇନାହିଁ ା ଗତ ୪୫ ଦିନ ମଧ୍ୟରେ କୁମ୍ଭୀର ଆକ୍ରମଣରେ ୪ ଜଣଙ୍କର ମୃତ୍ୟୁ ହୋଇଛି ା ପ୍ରତ୍ୟେକ ନଦୀ ଗାଧୁଆତୁଠରେ ସୁରକ୍ଷିତ ବାଡ ନିର୍ମାଣ ପାଇଁ ସ୍ଥାନୀୟ ଅଞ୍ଚଳରେ ଦାବି ହୋଇଛି ା ସମୁଦ୍ର ତଟଠାରୁ ୧୦ କିଲୋମିଟର ପରିଧି ମଧ୍ୟରେ ହେନ୍ତାଳବଣ ସୃଷ୍ଟି କରାଗଲେ ବନ୍ୟା, ବାତ୍ୟା ଓ ସୁନାମୀ ପରି ପ୍ରାକୃତିକ ବିପର୍ଯ୍ୟୟ ସମୟରେ କେନ୍ଦ୍ରାପଡ଼ା ଜିଲାକୁ ସୁରକ୍ଷିତ ରଖାଯାଇ ପାରିବ ବୋଲି ମତ ମିଳିଛିି ା
ଜିଓ ଟ୍ୟୁବ୍ୱାଲ ଅସୁରକ୍ଷିତ
ପ୍ରତିବର୍ଷ ବନ୍ୟାରେ କେନ୍ଦ୍ରାପଡ଼ା ଜିଲାର ୫୫ ଗ୍ରାମ ପ୍ରଭାବିତ ହେଉଛି ା ନଦୀବନ୍ଧ ନ ଥିବାରୁ ଏହି ଅଞ୍ଚଳ ବନ୍ୟା ଜଳ ଘେରରେ ରହୁଛି ା ବନ୍ୟା ପରି ସାମୁଦ୍ରିକ ଝଡ଼ ଓ ସୁନାମୀର ଆଶଙ୍କା ଅଛି ା ତେବେ ତଟବନ୍ଧ ମରାମତି ଅଦ୍ୟାବଧି ସରିନାହିଁ ା ଓଡ଼ିଶାର ପ୍ରଥମ ଜିଓ ସିନ୍ଥେଟିକ ପ୍ରକଳ୍ପ ୩୪ କୋଟି ଟଙ୍କା ବ୍ୟୟରେ ରାଜନଗର ବ୍ଲକ ପେଣ୍ଠଠାରେ ନିର୍ମାଣ ହୋଇଥିଲା ା ଏହି ଟ୍ୟୁବୱାଲ ଏବେ ସୁରକ୍ଷିତ ନାହିଁ ା ଗାବିୟନ ବକ୍ସରୁ ପଥରଗୁଡ଼ିକ ସମୁଦ୍ରକୁ ଭାସିଯାଇ ଏକ ଆତଙ୍କିତ ସ୍ଥିତି ସୃଷ୍ଟି କରିଛି ା ଜିଲାରେ ୪୮ କିମି ସମୁଦ୍ର ତଟ ଅଛି ା ଏହି ତଟାଞ୍ଚଳର ୫୬ ପ୍ରତିଶତ ଅଞ୍ଚଳରେ ଦ୍ରୁତ ତଟକ୍ଷୟ ହେଉଥିବା ସର୍ଭେ ରିପୋର୍ଟ ଦର୍ଶାଉଛି ା ଏହାର ନିରାକରଣ ହେଉ ନ ଥିବାରୁ ବର୍ଷାଋତୁ ଉପାନ୍ତ ଅଞ୍ଚଳବାସୀଙ୍କ ପାଇଁ ଆତଙ୍କର କାରଣ ସାଜିଛି ା
– ସୁନୀଲ କୁମାର ଗନ୍ତାୟତ, ସାମାଜିକ କର୍ମୀ, ମହାକାଳପଡ଼ା
କୁମ୍ଭୀର ନେଲାଣି ୪ ଜୀବନ
ଉପାନ୍ତ ଅଞ୍ଚଳବାସୀଙ୍କ ପାଇଁ କୁମ୍ଭୀର ଏବେ ଆତଙ୍କ ବାତାବରଣ ସୃଷ୍ଟି କରିଛି ା ଗତ ୪୫ ଦିନ ମଧ୍ୟରେ ୪ ଘଟଣାରେ ୪ ଜଣଙ୍କ ମୃତ୍ୟୁ ହୋଇଛି ା ଗତ ଗୁରୁବାର ପଟ୍ଟାମୁଣ୍ଡାଇ ବ୍ଲକ କୁଳସାହିର ଅମୂଲ୍ୟ ଦାସ ଶୌଚ ପାଇଁ ବ୍ରାହ୍ମଣୀ ନଦୀକୁ ଯାଇଥିଲେ ା ସେଠାରେ ତାଙ୍କୁ କୁମ୍ଭୀର ଟାଣିନେଲା ା ଅମୂଲ୍ୟଙ୍କ ମୁଣ୍ଡ ନଦୀରୁ ଶୁକ୍ରବାର ମିଳିଛି ା ଏହାପୂର୍ବରୁ ଏହି ବ୍ରାହ୍ମଣୀ ନଦୀକୁ ଗାଧୋଇବା ପାଇଁ ଗତ ପହିଲି ରଜ ଅର୍ଥାତ୍ ଜୁନ ୧୪ରେ ନିମପୁର ଗ୍ରାମର ୫ ବର୍ଷୀୟ ଆଶୁତୋଷ ଆଚାର୍ଯ୍ୟଙ୍କୁ କୁମ୍ଭୀର ନେଇଥିଲା। ସେହିପରି ବ୍ରାହ୍ମଣୀ ନଦୀରୁ ବାହାରିଥିବା ଏକ ନାଳ ନିକଟରେ ଥିବା ପୋଖରୀରେ ବାସନ ମାଜିବାକୁ ଯାଇଥିବା ହାତିଆଗଡି ଗ୍ରାମର ସୀତାରାଣୀ ଦାସଙ୍କୁ କୁମ୍ଭୀର ଟାଣି ନେଇଛି ା ଗତ ଜୁନ ୨୯ ତାରିଖରେ ଘାଘରାଡିଆ ଗ୍ରାମର ଗଙ୍ଗାଧର ତରାଇଙ୍କ ଜୀବନ କୁମ୍ଭୀର ଟାଣି ନେବାରୁ ଯାଇଛି ା ଗତ ଦେଢ଼ ମାସ ମଧ୍ୟରେ ବ୍ରାହ୍ମଣୀ ନଦୀରୁ ଗୋଟିଏ ୧୩ ଫୁଟର କୁମ୍ଭୀର ବନ ବିଭାଗ ଉଦ୍ଧାର କରିଥିବା ବେଳେ ରାଜନଗର ବ୍ଲକ ଭେକ୍ଟା ଗ୍ରାମର ଏକ ପୋଖରୀରୁ ୬ ଫୁଟର ଆଉ ଗୋଟିଏ କୁମ୍ଭୀର ଉଦ୍ଧାର ହୋଇଛି ା କୁମ୍ଭୀର ସହ ସାପ ଆତଙ୍କ ଆରମ୍ଭ ହୋଇଛି ା ନାଳ ବା ନଦୀର ଗାଧୁଆ ତୁଠରେ ତାରବାଡ ଦେବା, ଏହି ଅଞ୍ଚଳକୁ ପାନୀୟ ଜଳ ଯୋଗାଣ କରିବା ଦାବିରେ ମହିଳା ମହାସଂଘ ପକ୍ଷରୁ ରାଜନଗର ବନଖଣ୍ଡ ଅଧିକାରୀଙ୍କୁ ଦାବିପତ୍ର ଶୁକ୍ରବାର ପ୍ରଦାନ କରାଯାଇଛି ା
– ପ୍ରତାପ କୁମାର ପାଢ଼ୀ, ସାମାଜିକ କର୍ମୀ, ପଟ୍ଟାମୁଣ୍ଡାଇ