ମୁମ୍ବାଇ, ୨୦।୯ : ଶିବାଜୀ ପାର୍କରେ ଦଶହରା ରାଲି ନେଇ ଉଦ୍ଧବ ଠାକରେଙ୍କ ସମର୍ଥକଙ୍କ ପକ୍ଷରୁ ମଙ୍ଗଳବାର ବଡ଼ ଘୋଷଣା କରାଯାଇଛି। ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ଗୋଷ୍ଠୀଙ୍କୁ ଉଦ୍ଦେଶ୍ୟରେ ଉଦ୍ଧବଙ୍କ ସମର୍ଥକଙ୍କ ପକ୍ଷରୁ କୁହାଯାଇଛି ଯେ, ଅନୁମତି ମିଳୁ ଅବା ନମିଳୁ ଶିବାଜୀ ପାର୍କରେ ଆମେ ଦଶହରା ରାଲି କରିବୁ । ବ୍ରହ୍ମନମ୍ବାଇ ମ୍ୟୁନିସିପାଲ କର୍ପୋରେଶନ (ବିଏମସି) ଏହାର ଅନୁମୋଦନ ଦେଉଛି କି ନାହିଁ ତାହାର କୌଣସିତ ଫରକ ପଡ଼ିବ ନାହିଁ ବୋଲି ଉଦ୍ଧବଙ୍କ ସମର୍ଥକ କହିଛନ୍ତି।
ମୁମ୍ବାଇର ପୂର୍ବତନ ମେୟର ମିଲିନ୍ଦ ବୈଦ୍ୟଙ୍କ ନେତୃତ୍ୱରେ ଉଦ୍ଧବଙ୍କ ଶିବସେନା ନେତାଙ୍କ ଏକ ପ୍ରତିନିଧୀ ଦଳ ବିଏମସି ଅଧିକାରୀଙ୍କୁ ଭେଟି ଏହି ରାଲି ଆୟୋଜନ ପାଇଁ ଅନୁମତି ମାଗିଥିଲେ। ସେମାନେ କହିଛନ୍ତି ଆମେ ଅନୁମତି ପାଇବୁ ଅବା ନ ପାଇବୁ ତାହାର କୌଣସିତ ପ୍ରଭାବ ଧାର୍ଯ୍ୟ ସ୍ଥାନରେ ଦଶହରା ରାଲି ପାଳନ ଉପରେ ପଡ଼ିବ ନାହିଁ। ଆମେ ଶିବାଜୀ ପାର୍କରେ ଏକାଠି ହେବୁ।
ବିଏମସି ଏପର୍ଯ୍ୟନ୍ତ ଏହି ପ୍ରସଙ୍ଗରେ କୌଣସି ନିଷ୍ପତ୍ତି ନେଇନାହିଁ। ବିକଳ୍ପ ଭାବରେ ବାନ୍ଦ୍ରା କୁର୍ଲା କମ୍ପ୍ଲେକ୍ସ (ବି.କେ.ସି) ର ଏମଏମଆରଡିଏ ଗ୍ରାଉଣ୍ଡରେ ରାଲି ଆୟୋଜନ କରିବାକୁ ଅନୁମତି ପାଇଁ ଉଭୟ ଦଳ ମଧ୍ୟ ଆବେଦନ କରିଛନ୍ତି। ପ୍ରକାଶ ଥାଉକି, ଗତ ସପ୍ତାହରେ ବି.କେ.ସିରେ ଏକ ରାଲି କରିବାକୁ ଶିଣ୍ଡେ ଦଳକୁ ଅନୁମତି ଦିଆଯାଇଛି।ିତ୍
ଏହି ପ୍ରସଙ୍ଗରେ ଏନସିପି ନେତା ଅଜିତ ପାୱାର କହିଛନ୍ତି ଯେ ଉଦ୍ଧବ ଠାକୁରଙ୍କ ନେତୃତ୍ୱାଧୀନ ଶିବସେନାଙ୍କୁ ଶିବାଜୀ ପାର୍କରେ ରାଲି କରିବାକୁ ଅନୁମତି ଦିଆଯିବା ଉଚିତ ଏବଂ ଯଦି ଅନୁମତି ନ ଦିଆଯାଏ ତେବେ ସେମାନେ ଆଇନର ଦ୍ୱାରସ୍ଥ ହେବା ଆବଶ୍ୟକ।