ନୂଆଦିଲ୍ଲୀ,୨୬।୧୧: ଆଜି ହେଉଛି ସମ୍ବିଧାନ ଦିବସ। ୧୯୪୯ରେ ଦେଶର ସମ୍ବିଧାନ ପ୍ରସ୍ତୁତି କରାଯାଇଥିଲା। ଏବେ ଏହାକୁ ୭୪ ବର୍ଷ ହୋଇସାରିଛି। ତେବେ ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁଭେଚ୍ଛା ଜଣାଇଛନ୍ତି। ସୁପ୍ରିମକୋର୍ଟରେ ଆୟୋଜିତ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ କହିଛନ୍ତି, ସ୍ବାଧୀନତା ଆନ୍ଦୋଳନ ଏବଂ ସମ୍ବିଧାନ ଗଠନ ସହ ଜଡିତ ସମସ୍ତ ଲୋକଙ୍କୁ ମୋର ସମ୍ମାନ ଜଣାଉଛି। ଆପଣ ସମସ୍ତଙ୍କୁ ସମ୍ବିଧାନ ଦିବସର ଶୁଭେଚ୍ଛା। ଚଳିତ ବର୍ଷ ସମ୍ବିଧାନ ଦିବସ ସ୍ବତନ୍ତ୍ର , କାରଣ ଆମେ ସ୍ବାଧୀନତାର ୭୫ତମ ବାର୍ଷିକୀ ପାଳନ କରୁଛୁ। ଆଜି ମଧ୍ୟ ମୁମ୍ବାଇ ଆକ୍ରମଣକୁ ୧୪ ବର୍ଷ ପୂରିଛି। ଯେତେବେଳେ ଦେଶ ସମ୍ବିଧାନ ପାଳନ କରୁଥିଲା, ସେତେବେଳେ ଲୋକଙ୍କ ଉପରେ ଆକ୍ରମଣ ହୋଇଥିଲା। ଏଥିରେ ଶହୀଦ ହୋଇଥିବା ସମସ୍ତ ଲୋକଙ୍କୁ ମୋଦି ମନେ ପକାଇଛନ୍ତି। ଆହୁରି ମଧ୍ୟ କହିଛନ୍ତି ଯେ, ଏକ ସପ୍ତାହ ପରେ ଭାରତ ମଧ୍ୟ ଜି -୨୦ର ଅଧ୍ୟକ୍ଷତା କରିବାକୁ ଯାଉଛି।
ଆଜି ବିଶ୍ୱ ଭାରତର ଉଦୀୟମାନ ଶକ୍ତିକୁ ଆଶା କରୁଛି। ଏହି ଦେଶ ଏହାର ସମସ୍ତ ବିବିଧତାକୁ ଏକତ୍ର କରି ସଫଳତାର ସହ ଆଗକୁ ବଢୁଛି। ଏହା ପଛରେ ଏକ ବଡ଼ କାରଣ ହେଉଛି ଆମର ସମ୍ବିଧାନ।