ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଆଗାମୀ ଜୁଲାଇ ୭ରେ ୩୯ ବର୍ଷରେ ପଦାର୍ପଣ କରିବେ। ଏହାକୁ ନେଇ ପ୍ରଶଂସକଙ୍କ ମଧ୍ୟରେ ଉତ୍ସୁକତା ବଢିଯାଇଛି। କେବଳ ତାଙ୍କ ପ୍ରଶଂସକ ନୁହେଁ, ସାଥୀ ଖେଳାଳିମାନେ ମଧ୍ୟ ତାଙ୍କୁ ବଡ ଉପହାର ଦେବାର ଯୋଜନା କରିଛନ୍ତି। ଓ୍ବେଷ୍ଟଇଣ୍ଡିଜ୍ ଖେଳାଳି ତଥା ଆଇପିଏଲରେ ଚେନ୍ନାଇ ସୁପରକିଙ୍ଗ୍ସ ପକ୍ଷରୁ ଖେଳୁଥିବା ଡ୍ବେନ୍ ବ୍ରାଭୋ ତାଙ୍କ ଜନ୍ମଦିନରେ ତାଙ୍କୁ ‘ହେଲିକପ୍ଟର’ ଉପହାର ଦେବାକୁ ଯାଉଛନ୍ତି। ଆଶ୍ଚର୍ଯ୍ୟ ହୁଅନ୍ତୁ ନାହିଁ ଏହା ଅସଲି ନୁହେଁ, ବ୍ରାଭୋଙ୍କ ଗୀତର ଏକ ଟ୍ରାକ୍। ଏହି ହେଲିକପ୍ଟର ଗୀତଟି ଧୋନୀଙ୍କ ଜନ୍ମଦିନରେ ସେ ରିଲିଜ୍ କରିବାର ଯୋଜନା ରଖିଛନ୍ତି। ବ୍ରାଭୋ ଏବଂ ମାହି ଭଲ ବନ୍ଧୁ। ଏହାସହ ଧୋନୀଙ୍କୁ ବିଶ୍ୱର ସର୍ବଶ୍ରେଷ୍ଠ ଖେଳାଳି ମାନନ୍ତି ବ୍ରାଭୋ। ସେ ପୂର୍ବରୁ ଅନେକ ଗୀତରେ କଣ୍ଠଦାନ କରିଛନ୍ତି।
https://www.instagram.com/p/CCATXIMn_Va/?utm_source=ig_web_copy_link
