ନୂଆଦିଲ୍ଲୀ,୨୭।୧: ଦକ୍ଷିଣ ଭାରତୀୟ ଚଳଚ୍ଚିତ୍ର ତାରକା ଆଲ୍ଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା’ ରୋଜଗାରରେ ନୂଆ ରେକର୍ଡ କରିଛି। ଚଳଚ୍ଚିତ୍ରରେ ଅଭିନୟ ଏବଂ ନୃତ୍ୟ ଶୈଳୀକୁ ବେଶ ପସନ୍ଦ କରାଯାଉଛି। ଏହାକୁ ନେଇ କ୍ରେଜ୍ ଏତେ ଯେ ପ୍ରଥମେ ସୋସିଆଲ ମିଡିଆରେ ଖେଳାଳିମାନେ ଆଲ୍ଲୁଙ୍କ ଷ୍ଟାଇଲ୍ରେ ରିଲ୍ କରୁଥିବା ଦେଖାଯାଇଥିଲା। ଏବେ ପୁଷ୍ପାର ନୃତ୍ୟ କ୍ରିକେଟ ମଇଦାନରେ ପହଞ୍ଚିଛି। ବାଂଲାଦେଶରେ ଖେଳାଯାଉଥିବା ବାଂଲାଦେଶ ପ୍ରିମିୟର ଲିଗ୍ ମ୍ୟାଚ୍ରେ ଅଲରାଉଣ୍ଡର ଡଓ୍ବେନ୍ ବ୍ରାଭୋ ସେଭଳି କିଛି କରି ପ୍ରଶଂସକଙ୍କୁ ଚମକାଇଛନ୍ତି।
ଫର୍ଚ୍ୟୁନ୍ ବାରିସାଲ ପାଇଁ ଖେଳୁଥିବା ବ୍ରାଭୋ ଚମତ୍କାର ବୋଲିଂ କରି ମ୍ୟାଚ୍ରେ ୪ ଓଭରରେ ୩୦ ରନ୍ ଦେଇ ୩ ଉଇକେଟ ନେଇଥିଲେ। ଇନିଂସର ୧୮ତମ ଓଭରର ପଞ୍ଚମ ବଲ୍ରେ ମହୀଦୁଲ ଇସଲାମଙ୍କ ଉଇକେଟ ନେବା ଅବସରରେ ବ୍ରାଭୋ ‘ପୁଷ୍ପା ଓ୍ବାକ୍/ ପୁଷ୍ପା ଭଳି ଚାଲି’ କରି ଖୁସି ମନାଇଥିଲେ। ଏହା ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି।
ଦେଖନ୍ତୁ ଭିଡିଓ: