ପ୍ୟାରିସ, ୪ା୭: ଟୁର୍ ଡି ଫ୍ରାନ୍ସ ସାଇକେଲ ରେସ୍ର ୮ମ ଷ୍ଟେଜ୍ ବିଜେତା ହୋଇଛନ୍ତି ବେଲଜିୟମର ଡାଇଲାନ ଟେଅନ୍ସ। ଗତଥରର ଚାମ୍ପିୟନ ଟାଡେଜ ପୋଗାକାର ୟେଲୋ ଜର୍ସି ହାସଲ କରିଛନ୍ତି। ଡାଇଲାନଙ୍କଠାରୁ ୪୪ ସେକେଣ୍ଡ ପଛରେ ଇଅନ୍ ଇଜିଗିରେ ଏବଂ ମାଇକେଲ ଉଡ୍ସ ତୃତୀୟ ସ୍ଥାନ ଅଧିକାର କରିଥିଲେ। ୪୯ ସେକେଣ୍ଡ ପଛରେ ଥାଇ ପୋଗାକାର ଚତୁର୍ଥ ହୋଇଥିଲେ। ଅନ୍ୟପକ୍ଷରେ ୨୦୧୮ ବିଜେତା ବ୍ରିଟେନର ଜରେଣ୍ଟ ଥୋମାସ ଷ୍ଟେଜ୍ର ପ୍ରଥମ ଭାଗରେ ବାଦ୍ ପଡ଼ିଥିଲେ। ବାହାରିନ ଭିକ୍ଟୋରିଅସ ଟିମ୍ର ଡାଇଲାନ୍ ୧୫୦. ୮ କିଲୋମିଟର ବିଶିଷ୍ଟ ଏହି ରେସ୍କୁ ୩ ଘଣ୍ଟା ୫୪ ମିନିଟ୍ ୪୧ ସେକେଣ୍ଡରେ ଶେଷ କରିଥିଲେ।