ସବୁ ମଣିଷ ଭିତରେ କିଛି ନା କିଛି ଗୁଣ ଭରି ରହିଥାଏ। ତନ୍ମଧ୍ୟରେ କିଛି ଗୁଣ ସମସ୍ତଙ୍କୁ ଚକିତ କରାଇଦିଏ। ଯେମିତି କି ନିକଟରେ କନେକ୍ଟିକଟ୍ରେ ରହୁଥିବା ୩୦ ବର୍ଷୀୟା ସମନ୍ଥା ରାମ୍ସଡେଲ୍ଙ୍କର ଏକ ଗୁଣ ସୋସିଆଲ ମିଡିଆରେ ବେଶ୍ ଚର୍ଚ୍ଚାର ବିଷୟ ପାଲଟିଛି। ଆଉ ଚର୍ଚ୍ଚାର କାରଣ ସାଜିଛି ତାଙ୍କ ପାଟି। ତାଙ୍କ ପାଟିକୁ ମିଳିଛି ପୃଥବୀର ସବୁଠାରୁ ବଡ଼ ପାଟିର ମାନ୍ୟତା। ସେ ତାଙ୍କ ପାଟିକୁ ବହୁତ ବଡ଼ ଆକାରରେ ଖୋଲି ଆଁ କରିପାରନ୍ତି। ସମନ୍ଥାଙ୍କର ଟିକ୍ଟକ୍ରେ ଆକାଉଣ୍ଟ ଅଛି। ପ୍ରଥମେ ସେଥିରେ ସେ ନିଜର ଗୀତ ଓ ଅଭିନୟର ଭିଡିଓ ଅପ୍ଲୋଡ କରୁଥିଲେ। କିନ୍ତୁ ତାକୁ ସେତେଟା ଭଲ ରେସପନ୍ସ ମିଳୁ ନ ଥିଲା। କିନ୍ତୁ ଦିନେ ସେ ନିଜ ବଡ଼ ପାଟିର ଭିଡିଓ ଅପ୍ଲୋଡ କଲେ ଆଉ ଲୋକେ ତାକୁ ବେଶ୍ ଉତ୍ସୁକତାର ସହ ଦେଖିଲେ। ଏହାପରଠାରୁ ସେ ପାଟି ମେଲି ବିଭିନ୍ନ ଭିଡିଓ କଲେ। ଆଉ ଲୋକେ ପସନ୍ଦ ବି କଲେ। ଲକ୍ ଡାଉନ୍ରେ ତ ସେ ୭ ଲକ୍ଷ ୪୦ ହଜାର ଫଲୋୟର୍ସ ପାଇଛନ୍ତି। ସମନ୍ଥା ପେସାରେ ଜଣେ ମେଡିକାଲ ସେଲ୍ସ ରିପ୍ରେଜେଣ୍ଟେଟିଭ୍ । କିନ୍ତୁ ଏବେ ବଡ ମୁହଁ ଖୋଲି ୧୦ ସେକେଣ୍ଡର ଟିକ୍ଟକ୍ ଭିଡିଓ କରି ସେ ୧୧ ଲକ୍ଷ ପର୍ଯ୍ୟନ୍ତ ଆୟ କରୁଛନ୍ତି।