ଆପଣ ଭବିଷ୍ୟବାଣୀରେ ବିଶ୍ୱାସ କରନ୍ତି କି? ଯଦି ହଁ, ତେବେ ଏହି ଖବର ପଢ଼ିବା ପରେ ଆପଣଙ୍କ ମନରେ ନିଶ୍ଚିତ ଭୟ ଜାତ ହେବ। ନିକଟରେ ଜଣେ ଜ୍ୟୋତିଷ ଭବିଷ୍ୟବାଣୀ କରିଛନ୍ତି। ସେ କହିଛନ୍ତି, ଆସନ୍ତାବର୍ଷ ବିଶ୍ୱ ଏକ ବଡ଼ ବିପଦର ସାମ୍ନା କରିବ। ଅର୍ଥାତ୍ ପୃଥିବୀର ଅନେକ ଦେଶରେ ଭୂକମ୍ପ ହେବ। ଏହା ଦ୍ୱାରା ଅନେକ ଦେଶ ଧ୍ୱଂସ ହେବେ। ବିଶେଷକରି ଦୁନିଆର ସବୁଠାରୁ ଧନୀ ଦେଶ ଏହି ବିପଦର ସମ୍ମୁଖୀନ ହେବେ। ଏହି ଜ୍ୟୋତିଷ ଜଣକ ୨୦୨୪କୁ ଅତ୍ୟନ୍ତ ବିପଜ୍ଜନକ ବର୍ଷ ବୋଲି କହିଛନ୍ତି।
କ୍ରେଗ୍ ହାମିଲଟନ ପାର୍କର ନାମକ ଜଣେ ଜ୍ୟୋତିଷଙ୍କ ଦ୍ୱାରା ଏପରି ଭବିଷ୍ୟବାଣୀ କରାଯାଇଛି। ସେ ଏହି ଭବିଷ୍ୟବାଣୀ ନିଜର ଏକ ୟୁଟ୍ୟୁବ୍ ଚ୍ୟାନେଲରେ ଲୋକଙ୍କ ଉଦ୍ଦେଶ୍ୟରେ କହିଛନ୍ତି। ନିକଟରେ ଏହି ଚ୍ୟାନେଲରେ କଫି ଓ୍ବିଥ୍ କ୍ରେଗ୍ର ନୂଆ ଏପିସୋଡ୍ରେ ସେ ଲୋକମାନଙ୍କୁ କହିଥିଲେ ଯେ, ଆସନ୍ତାବର୍ଷ ଏସବୁ ଘଟିବାକୁ ଯାଉଛି। ଏହି ପର୍ଯ୍ୟାୟରେ ସେ ଆମେରିକାର ରାଜନୈତିକ ଅସ୍ଥିରତା ଏବଂ ଆମେରିକାର ଶକ୍ତି ହରାଇବା ବିଷୟରେ ମଧ୍ୟ ପ୍ରକାଶ କରିଥିଲେ।
ତାଙ୍କ ଭବିଷ୍ୟବାଣୀକୁ ଆଗକୁ ନେଇ କ୍ରେଗ୍ କହିଛନ୍ତି, ଆସନ୍ତାବର୍ଷ ବିଶ୍ୱକୁ ବଡ଼ ଧରଣର ଭୂକମ୍ପର ସମ୍ମୁଖୀନ ହେବାକୁ ପଡ଼ିବ। ବିଶେଷକରି ପଶ୍ଚିମ ଭାଗରେ ଏହା ଅନେକ ଧ୍ୱଂସ ଘଟାଇବ। ଏହାଦ୍ୱାରା ଅଟ୍ଟାଳିକାଗୁଡ଼ିକରେ ଅନେକ କ୍ଷତି ଘଟିବ। କ୍ରେଗ୍ କହିଛନ୍ତି, ଯଦିଓ ଆମେରିକା ଅନେକ ଥର ଭୂକମ୍ପର ସମ୍ମୁଖୀନ ହୋଇଛି, ତଥାପି ୨୦୨୪ରେ ଏହା ଆହୁରି ବିପଦର ସମ୍ମୁୀଖନ ହେବ। ତେବେ ଦେଖିବାକୁ ବାକି ରହିଲା ଯେ, କ୍ରେଗ୍ଙ୍କ ଏହି ଭବିଷ୍ୟବାଣୀ କେତେ ସତ ହେଉଛି।