କାବୁଲ,୨୩ ।୨: ଆଫଗାନିସ୍ତାନରେ ଗୁରୁବାର ଏକ ଭୂକମ୍ପ ଅନୁଭୁତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୬.୭ ମପାଯାଇଛି । ଭୂକମ୍ପ ଆଫଗାନିସ୍ତାନର ଫାୟଜାବାଦରେ ସକାଳ ୬ଟା ୭ ମିନିଟରେ ଅନୁଭୁତ ହୋଇଛି । ଏହାର କେନ୍ଦ୍ର ଭୂପୃଷ୍ଠରୁ ୧୧୩ ମିଟର ଗଭିରତାରେ ରହିଥିବା ପ୍ରକାଶ ।ତେବେ ୧୮ ମିନିଟ ମଧ୍ୟରେ ଆଫଗାନିସ୍ତାନରେ ୨ଟି ଭୂକମ୍ପ ଅୁଭୁତ ହୋଇଥିବା କୁହାଯାଇଛି । ଅନ୍ୟପଟେ ଗୁରୁବାର ତାଜିକିସ୍ତାନର ମୁର୍ଗୋବରୁ ୬୭ କିଲୋମିଟର ପଶ୍ଚିମରେ ୬.୮ ତୀବ୍ରତାର ଏକ ଭୂକମ୍ପ ଅନୁଭୁତ ହୋଇଥିବା ସୂଚନା ମିଳିଛି ।
ସୂଚନାଯୋଗ୍ୟ, ୬ ଫେବୃୟାରରେ ତୁର୍କୀ ଓ ସିରିଆରେ ଆସିଥିବା ବିନାଶକାରୀ ଭୂକମ୍ପ ପରେ ସାରା ବିଶ୍ୱ ଭୂକମ୍ପକୁ ନେଇ ଭୟଭୀତ ହୋଇଯାଇଛି । ତୁର୍କୀରେ ଅନୁଭୁତ ହୋଇଥିବା ୭.୮ ତୀବ୍ରତା ଭୂକମ୍ପରେ ଅଧିକାଂଶ ଅଞ୍ଚଳ ଧ୍ୱଂସ ସ୍ତୁପରେ ପରିଣତ ହୋଇଛି । ଏହି ଭୂକମ୍ପରେ ୪୧ ହଜାରରୁ ଅଧିକ ଲୋକଙ୍କ ମୃତ୍ୟୁ ବି ହୋଇଛି ।
