ସାକ୍ରାମେଣ୍ଟୋ: ଦୁନିଆରେ ବହୁ ଲୋକ ବାସ କରୁଥିବାବେଳେ ସେମାନଙ୍କ ମଧ୍ୟରୁ କେତେକ ବହୁତ ଖର୍ଚ୍ଚି ହୋଇଥିବାବେଳେ ଆଉ କିଛି କଞ୍ଜୁସ ହୋଇଥାନ୍ତି। ହେଲେ ଏମିତି ଜଣେ ବ୍ୟକ୍ତି ଅଛନ୍ତି, ଯିଏ କଞ୍ଜୁସିର ସମସ୍ତ ସୀମା ପାର କରିଛନ୍ତି। ରିପୋର୍ଟ ମୁତାବକ, ଦକ୍ଷିଣ କାଲିଫର୍ନିଆର ବାସିନ୍ଦା ରୋନ ମେସ୍ତ୍ରିଙ୍କ ଅନୁସାରେ, ଭୋଜନ ଛଡ଼ା ଅନ୍ୟ କୌଣସି ଖର୍ଚ୍ଚ ଫାଲ୍ତୁ ଅଟେ। ଯଦି ସେତକ ଟଙ୍କା ବଞ୍ଚିଯାଏ, ତେବେ ଭଲ କଥା। ରୋନ ଟଙ୍କା ସଞ୍ଚୟ କରି ଏକ ଘର କିଣିବା ପରେ ଅନେକ ଫାଲ୍ତୁ ଖର୍ଚ୍ଚରୁ ବଞ୍ଚିବା ପାଇଁ ଘରେ କୌଣସି ଆସବାବପତ୍ର ରଖିନାହାନ୍ତି। ଜଣେ ୟୁଟ୍ୟୁବରଙ୍କ ଭିଡିଓରେ କୁକ୍ୱେର କମ୍ପାନୀର ପୂର୍ବତନ କର୍ମଚାରୀ ରୋନ କହିଛନ୍ତି, ଲୋକେ ଶସ୍ତାରେ ଖାଇପିଇ ଭଲ ଜୀବନ ଅତିବାହିତ କରିପାରିବେ। ଭିଡିଓରେ ରୋନ ବଳିଥିବା ମଦକୁ ସମୁଦ୍ରକୂଳରୁ ଗୋଟାଉଥିବା ଦେଖିବାକୁ ମିଳିଛି। ତାଙ୍କ କହିବା କଥା, ଯଦି କେହି ବାହାରକୁ ଯାଇ ମଦ ପିଇବାକୁ ଚାହେଁ ସେଥିପାଇଁ ତାଙ୍କୁ ପାଖାପାଖି ୧୦ ଡଲାର ଭାରତୀୟ ମୁଦ୍ରାରେ ୮୨୨ ଟଙ୍କା ଖର୍ଚ୍ଚ କରିବାକୁ ପଡ଼ିବ। ଯଦି ଆମେ ମଦ ଖୋଜିବା, ତେବେ ସେଥିପାଇଁ କିଛି ଟଙ୍କା ଖର୍ଚ୍ଚ କରିବାକୁ ପଡ଼ିବନି। ଏହାଛଡ଼ା ରୋନ ଜଙ୍ଗଲୀ ଜଡିବୁଟି ଖୋଜିବାକୁ ରାସ୍ତା କଡ଼କୁ ଯାଆନ୍ତି। ଭିଡିଓରେ ରାସ୍ତା କଡ଼ରେ ତାଙ୍କୁ ଏକ ଗଛ ମିଳିଥିବା ଦେଖିବାକୁ ମିଳିଛି, ଯାହା ପାଳକର ଏକ ପ୍ରଜାତି, ଏହା ସମ୍ପୂର୍ଣ୍ଣ ଖାଇବାଯୋଗ୍ୟ ବୋଲି କହିଛନ୍ତି। ଏପରି କିଛି ଗଛକୁ ସେ ବୁଲି ବୁଲି ଏକାଠି କରନ୍ତି। ସେ ଏପରି କରି ମାସକୁ ପ୍ରାୟ ୪୦ ଡଲାର ଅର୍ଥାତ୍ ୩୩୦୦ ଟଙ୍କା ବଞ୍ଚେଇ ଦିଅନ୍ତି ବୋଲି କହିଛନ୍ତି। ଏଥିସହ ସେ ଡଷ୍ଟବିନ୍ରୁ ଖାଦ୍ୟ ଖୋଜିକରି ନେଉଥିବା ମଧ୍ୟ ଦେଖିବାକୁ ମିଳିଛି।
