ନୂଆଦିଲ୍ଲୀ,୨୮।୭: ରୋମାନିଆର କ୍ରିକେଟର ପାଭେଲ ଫ୍ଲୋରିନ ପୁଣିଥରେ ସୋସିଆଲ ମିଡିଆରେ ଚର୍ଚ୍ଚାରେ ଅଛନ୍ତି। ତାଙ୍କର ଅନନ୍ୟ ବୋଲିଂ ଆକ୍ସନ ପାଇଁ ଫ୍ଲୋରିନ ଉଇକେଟ୍ ନେବା ପରେ ଏମିତି ଖୁସି ମନାଇଥିଲେ, ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ବାନାସା ଏବଂ ବୁଖାରେଷ୍ଟ ଗ୍ଲାଡିଏଟର୍ସ ମଧ୍ୟରେ ଇସିଏସ୍ ଟି-୧୦ମ୍ୟାଚ ସମୟରେ ଏହି ଘଟଣା ଘଟିଥିଲା। ମ୍ୟାଚ୍ରେ ପାଭେଲ ଫ୍ଲୋରିନ ଅଜବ ଉଇକେଟ ନେଇଥିଲେ। ଏହି ଉଇକେଟ ନେବା ପରେ କିଛି ସମୟ ପରେ ଫ୍ଲୋରିନ ଏକ ନିଆରା ଢଙ୍ଗରେ ଖୁସି ମନାଇଉଥିବା ଦେଖିବାକୁ ମିଳିଥିଲ। ପାଭେଲ ଫ୍ଲୋରିନଙ୍କ ଖୁସି ମନାଇବା ଶୈଳୀ ଏଭଳି ଥିଲା, ଯାହା ପୂର୍ବରୁ ଦେଖି ନଥିବେ। ଫ୍ଲୋରିନ ଉଇକେଟ ନେବା ପରେ କମେଣ୍ଟ୍ରି ବାକ୍ସ ଆଡକୁ ଦୌଡ଼ିଥିଲେ। ସେଠାକୁ ଯାଇ ସେ କ୍ରିକେଟ୍ ସମୀକ୍ଷକଙ୍କ ଠାରୁ ମାଇକ ନେଇ ଉଚ୍ଚ ସ୍ବରରେ ପାଟି କରି କହିଲେ – ‘ଗ୍ଲାଡିଏଟର୍ସ’। ୟୁରୋପୀୟ ଟି୧୦ କ୍ରିକେଟ ଲିଗ ମ୍ୟାଚରେ ତାଙ୍କର ଏଭଳି କାର୍ଯ୍ୟ ସୋସିଆଲ ମିଡିଆରେ ଭାଇରାଲ ହେବା ପରେ ଫ୍ଲୋରିନ ରାତାରାତି ଇଣ୍ଟରନେଟ ସେନସେସନ୍ ପାଲଟିଯାଇଛନ୍ତି।