ଗୁଆୟାକିଲ୍,୧୯।୩: ଦକ୍ଷିଣ ଆମେରିକାର ଇକ୍ୱେଡରରେ ହୋଇଥିବା ଭୂକମ୍ପରେ ରବିବାର ମୃତ୍ୟୁ ସଂଖ୍ୟା ୧୬କୁ ବୃଦ୍ଧି ହୋଇଥିବା ବେଳେ ୩୮୧ଜଣ ଆହତ ହୋଇଥିବା ସୂଚନା ମିଳଛି। ଭୂକମ୍ପର ତୀବ୍ରତା ୬.୮ ଥିବା ଆମେରିକୀୟ ଭୌଗୋଳିକ ସର୍ଭେ (ୟୁଏସ୍ଜିଏସ୍) ପକ୍ଷରୁ କୁହାଯାଇଛି। ଏହାର ପ୍ରଭାବରେ ଇକ୍ୱେଡରର ମଶାଲା ଏବଂ କ୍ୱେନ୍କା ସହରରେ ବହୁ କୋଠା ଏବଂ ଚର୍ଚ୍ଚ ଭୁଶୁଡ଼ି ପଡିଛି। ଭୂକମ୍ପର କେନ୍ଦ୍ରସ୍ଥଳ ପେରୁ ସୀମା ନିକଟବର୍ତ୍ତୀ ବାଲାଓ ଅଞ୍ଚଳ ରହିଥିଲା। ଭୂକମ୍ପରେ ପ୍ରଭାବିତ ଲୋକଙ୍କୁ ଆବଶ୍ୟକ ସୁବିଧା ସୁଯୋଗ ଯୋଗାଇ ଦିଆଯିବ ବୋଲି ଇକ୍ୱେଡର ରାଷ୍ଟ୍ରପତି ଗୁଇଲେର୍ମୋ ଲାସୋ ପ୍ରକାଶ କରିଛନ୍ତି। ସ୍ଥାନୀୟ ଅଞ୍ଚଳରେ ସୁନାମି ଆଶଙ୍କା ନ ଥିବା ଇକ୍ୱେଡର ନୌସେନା ବିଭାଗ ପକ୍ଷରୁ ସୂଚନା ଦିଆଯାଇଛି। ଅନ୍ୟପକ୍ଷେ ପେରୁରେ ଭୂକମ୍ପ ପ୍ରଭାବରେ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ପାଇଁ ରବିବାର ପୋପ୍ ଫ୍ରାନ୍ସିସ୍ ସାମୂହିକ ପ୍ରାର୍ଥନା କରିଛନ୍ତି।
