ନୂଆଦିଲ୍ଲୀ,୧୭।୮: ପ୍ରବର୍ତ୍ତନ ନିର୍ଦ୍ଦେଶାଳୟ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ପତି ରବର୍ଟ ଭଦ୍ରାଙ୍କ ଜାମିନ ଆବେଦନକୁ ବିରୋଧ କରିଛି। ତାଙ୍କ ବିରୋଧରେ ଆସିଥିବା ଅଭିଯୋଗକୁ ବିଚାରକୁ ନେଇ ଜାମିନ ପ୍ରଦାନ କରାଯିବା ଉଚିତ ନୁହେଁ। ଏହାର ଉତ୍ତରରେ ଭଦ୍ରାଙ୍କ ଓକିଲ କହିଛନ୍ତି ଯେ ରବର୍ଟ ଭଦ୍ରା ସମସ୍ତ ସର୍ତ୍ତ ପାଳନ କରୁଛନ୍ତି ଏବଂ ସେ ଦେଶ ଛାଡି ଚାଲିଯିବାର କୌଣସି ଯୋଜନା ନାହିଁ, ସେ ଏଠାରେ ରହିବେ।
ଇଡିଙ୍କ ଓକିଲ କହିଛନ୍ତି ଯେ ସେ ଅତିରିକ୍ତ ଆଫିଡେଭିଟ ଦାଖଲ କରିବେ ଯେଉଁଥିରେ ଭଦ୍ରା କେଉଁ ସ୍ଥାନରେ ଜାମିନ ସର୍ତ୍ତ ଉଲ୍ଲଂଘନ କରିଛନ୍ତି ସେ କୋର୍ଟଙ୍କୁ ଜଣାଇବେ। ସେ ଏହି ପ୍ରସଙ୍ଗରେ କୋର୍ଟରୁ କିଛି ସମୟ ମାଗିଛନ୍ତି।
ଜଷ୍ଟିସ ସୁଧୀର କୁମାର ଜୈନ ଇଡିକୁ ଅତିରିକ୍ତ ଆଫିଡେଭିଟ ଦାଖଲ କରିବାକୁ ଦୁଇ ସପ୍ତାହ ସମୟ ଦେଇଥିଲେ। ଏହି ମାମଲାର ପରବର୍ତ୍ତୀ ଶୁଣାଣି ସେପ୍ଟେମ୍ବରରେ ହେବ। ଏହାପୂର୍ବରୁ ଇଡି ହାଇକୋର୍ଟଙ୍କୁ କହିଥିଲେ ଯେ ଭଦ୍ରାଙ୍କୁ ହେପାଜତରେ ପଚରାଉଚରା କରିବାକୁ ଚାହୁଁଛି। ଏଜେନ୍ସି ଅଭିଯୋଗ କରିଛି ଯେ ଏହି ମାମଲାରେ ଟଙ୍କା କାରବାର ଲିଙ୍କ ସିଧାସଳଖ ସେମାନଙ୍କ ସହ ଜଡିତ ଥିଲା। ତଦନ୍ତରେ ଭଦ୍ରା ସହଯୋଗ କରୁନାହାଁନ୍ତି ବୋଲି ସେ କହିଛନ୍ତି।