କୋଲକାତା,୨୮ ।୭: ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଏବେ ପର୍ଯ୍ୟନ୍ତ ଅର୍ପିତା ମୁଖାର୍ଜୀଙ୍କ ଦ୍ୱିତୀୟ ଘରୁ ପ୍ରାୟ ୩୦ କୋଟି ଟଙ୍କା ସହ ୫ କିଲୋ ସୁନା ଜବତ କରିଥିବା ସୂଚନା ମିଳିଛି । ସୂଚନାଯୋଗ୍ୟ, ପଶ୍ଚିମବଙ୍ଗରେ ଗିରଫ ହୋଇଥିବା ମନ୍ତ୍ରୀ ପାର୍ଥ ଚାଟାର୍ଜୀଙ୍କ ସହଯୋଗୀ ଅର୍ପତାଙ୍କ ପ୍ରଥମ ଘରୁ ୨୧ କୋଟି ଟଙ୍କା ଇଡି ଜବତ କରିଥିଲା । ବୁଧବାର ଇଡି ତାଙ୍କ ଦ୍ୱିତୀୟ ଘରେ ଚଢାଉ କରିଥିଲା । ଏହାସହ ଅର୍ପିତାଙ୍କ ଘରୁ ୫୪ ଲକ୍ଷ ଟଙ୍କାର ବିଦେଶି ମୁଦ୍ରା ବି ଜବତ କରାଯାଇଛି । ଏବେ ଦୁଇଟି ଯାକ ଘରୁ ଜବତ ହୋଇଥିବା ଟଙ୍କାର ମୂଲ୍ୟ ୫୧ କୋଟି ହୋଇଛି ।
ଇଡି ପକ୍ଷରୁ କୁହାଯାଇଛି କି ଦ୍ୱିତୀୟ ଘରର ୱାଶରୁମରୁ ବି ଟଙ୍କା ଜବତ କରାଯାଇଛି । ଏହା ଏତେ ଅଧିକ ଥିଲା ଯେ ପ୍ରବର୍ତ୍ତନ ନିର୍ଦ୍ଦେଶାଳୟକୁ ଟଙ୍କା ଗଣିବା ମେଶିନର ସହାୟତା ନେବାକୁ ପଡିଥିଲା । ଅର୍ପିତାଙ୍କ ଘରୁ ୨ଟି ଡାଏରି ବି ମିଳିଛି । ଇଡି ଅନୁମାନ କରିଛି କି ଏହି ଡାଏରିରୁ କିଛି ଗୁରୁତ୍ୱପୂର୍ଣ୍ଣ ତଥ୍ୟ ମିଳିପାରେ । ଇଡିର ଅଧିକାରୀମାନେ ଅନୁମାନ କରିଛନ୍ତି କି ଏହି ଟଙ୍କା ପଶ୍ଚିମବଙ୍ଗ ସ୍କୁଲ ସେନା ଆୟୋଗ ଭର୍ତ୍ତି ଅନିୟମିତତା ଘୋଟାଲାର ବୋଲି ।
ଗଣମାଧ୍ୟମର ସୂଚନା ଅନୁଯାୟୀ, ଡାଏରିରେ ଲେଖାଯାଇଥିବା କିଛି କୋଡ ପାର୍ଥ ଚାଟାର୍ଜୀ ଅବା ଅର୍ପିତା ମୁଖାର୍ଜିଙ୍କ ଲେଖାସହ ମେଳ ଖାଉ ନାହିଁ । ତେଣୁ ଏଥିରେ ତୃତୀୟ ବ୍ୟକ୍ତିଙ୍କ ସମ୍ପୃକ୍ତି ଥାଇପାରେ ବୋଲି ଅନୁମାନ କରାଯାଉଛି ।