ନୂଆଦିଲ୍ଲୀ/ମୁମ୍ବାଇ,୪।୧୦ : ଅଭିନେତା ରଣବୀର କପୁର ତାଙ୍କର ଆଗାମୀ ଚଳଚ୍ଚିତ୍ର ଆନିମଳ ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି। ଅଭିନେତାଙ୍କ ଏହି ଫିଲ୍ମ ଦେଖିବାକୁ ପ୍ରଶଂସକମାନେ ମଧ୍ୟ ବହୁତ ଉତ୍ସାହିତ ଅଛନ୍ତି, କିନ୍ତୁ ଫିଲ୍ମ ରିଲିଜ ହେବା ପୂର୍ବରୁ ରଣବୀର କପୁରଙ୍କୁ ଇଡିରୁ ସମନ ମିଳିଛି। ଅକ୍ଟୋବର ୬ରେ ପଚରାଉଚରା ପାଇଁ ତାଙ୍କୁ ଇଡି ଡାକିଛନ୍ତି।
ଅନଲାଇନ ବେଟିଂ ଆପ ମାମଲାରେ ରଣବୀର କପୁରଙ୍କ ସମସ୍ୟା ବଢ଼ିପାରେ। କୋଲକାତା, ଭୋପାଳ, ମୁମ୍ବାଇ ସମେତ ୩୯ ଟି ସହରରେ ଅନଲାଇନ ଆପ ମହାଦେବ ସହ ଲିଙ୍କ ହୋଇଥିବା ମନି ଲଣ୍ଡରିଂ ନେଟୱାର୍କ ବିରୋଧରେ ଇଡି ଏହି ପଦକ୍ଷେପ ନେଇଛନ୍ତି। ଇଡି ଅନୁସନ୍ଧାନରୁ ଏହା ମଧ୍ୟ ଜଣାପଡିଛି ଶେୟାର ବଜାରରେ ବେଟିଂ ଟଙ୍କା ବ୍ୟବହାର କରାଯାଇଥିଲା। କେବଳ ଏତିକି ନୁହେଁ, ୧୪ ଜଣ ଫିଲ୍ମ ତାରକାଙ୍କ ନାମ ମଧ୍ୟ ଏହି ମାମଲା ସହିତ ଜଡିତ ଥିବା ଦେଖିବାକୁ ମିଳିଛି। ଏହି ଚଳଚ୍ଚିତ୍ର ତାରକାମାନେ ସୌରଭ ଚନ୍ଦ୍ରକର ଏବଂ ରବି ଅପପାଲଙ୍କ ବିବାହ ଭୋଜିରେ ଅଭିନୟ କରିଥିଲେ।
ଏସବୁ ମଧ୍ୟରେ ରଣବୀର କପୁରଙ୍କ ପାଇଁ ଇଡି ଡାକରା ବି-ଟାଉନରେ ଆଲୋଡ଼ନ ସୃଷ୍ଟି କରିଛି। ଏହି ଅନଲାଇନ ବେଟିଂ ଆପ ଯୋଗୁଁ, ୧୭ ବଲିଉଡ ତାରକା ଇଡି ରାଡାରରେ ଅଛନ୍ତି ।
ବେଆଇନ ବେଟିଂ ମାମଲାରେ, ଇଡି ବର୍ତ୍ତମାନ ଏକ ବଡ ପଦକ୍ଷେପ ନେଇଛି ଏବଂ ସେଲିବ୍ରେଟମାନଙ୍କୁ ସମନ ପଠାଇବା ଆରମ୍ଭ କରିଛି। ଯେଉଁଠାରେ ପ୍ରଥମ ନାମ ହେଉଛି ରଣବୀର କପୁରଙ୍କର। ଏହି ଅନୁସନ୍ଧାନରେ, ଇଡି ଅଭିନେତାଙ୍କୁ ବିବାହରେ ଯୋଗଦେବା, ପ୍ରଦର୍ଶନ, ଦେୟ ଇତ୍ୟାଦି ଠାରୁ ଅନ୍ୟାନ୍ୟ ପ୍ରଶ୍ନ ପଚରା ଯାଇପାରେ।