କୋକସରା,୨୨।୫(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ବ୍ଲକ ଲଡୁଗାଁରେ ମାଉସୀ ମା’ ମନ୍ଦିର ନିର୍ମାଣ ପାଇଁ ରବିବାର ଭୂମିପୂଜନ ଉତ୍ସବ ଅନୁଷ୍ଠିତ ହୋଇଯାଇଛି। ମାଉସୀ ମା’ ମନ୍ଦିର ପାଇଁ ଲଡୁଗାଁ ସହରର ଶିକ୍ଷାବିତ୍ ବନମାଳୀ ମାଝୀ ୭ ଡେସିମିଲ ଜମିଦାନ କରିଛନ୍ତି।
ଲକ୍ଷ୍ମଣ କୁମାର ଶବରଙ୍କ ତତ୍ତ୍ୱାବଧାନରେ ରବିବାର ମନ୍ଦିର ଭୂମିପୂଜନ ଉତ୍ସବରେ ଗାଁ ଗୌନ୍ତିଆ ପ୍ରଫୁଲ୍ଲ ଚନ୍ଦ୍ର ମାଝୀ, କୋକସରା ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ, ପଙ୍କଜ ମୁଖ ଚୌଧୁରୀ, ରବି ନାରାୟଣ ଦାସ, ସନ୍ତୋଷ ଦାସ, ଅକ୍ରୁର ଯୋଶୀ, ପ୍ରଶାନ୍ତ ଯୋଶୀଙ୍କ ସମେତ ବୁଦ୍ଧିଜୀବୀ ଉପସ୍ଥିତ ରହି ମନ୍ଦିର ପ୍ରତିଷ୍ଠା ପାଇଁ ଶୁଭାରମ୍ଭ କରିଥିଲେ।