ଅଣ୍ଡାରେ ପ୍ରସ୍ତୁତ ବିଭିନ୍ନ ଆଇଟମ୍ ପ୍ରାୟ ଅନେକେ ପସନ୍ଦ କରନ୍ତି। ହେଲେ ଆପଣ ଜାଣନ୍ତି କି ଏଥିରେ ଭରି ରହିଥିବା ସୌନ୍ଦର୍ଯ୍ୟ ବୃଦ୍ଧିକାରୀ ଗୁଣ ତ୍ୱଚା ପାଇଁ ମଧ୍ୟ ବେଶ୍ ଉପକାରୀ। ଏହାକୁ ବ୍ୟବହାରକରି
ସୁନ୍ଦର, ବେଦାଗ ତ୍ୱଚା ପାଇବାକୁ ଚାହୁଁଥିଲେ
ଜାଣିରଖନ୍ତୁ ଟିପ୍ସ …
ସ୍କିନ୍ଟୋନ୍ ଡାର୍କ ହୋଇଗଲେ କିପରି ଗୋରା ତ୍ୱଚା ପାଇବେ ତାକୁ ନେଇ ଅନେକଙ୍କର ଚିନ୍ତା ବଢ଼ିଯାଏ। ଯଦି ଆପଣ ବି ଏହି ସମସ୍ୟା ଦେଇ ଗତି କରୁଛନ୍ତି ଏବଂ ବିଭିନ୍ନ ପ୍ରକାର ବ୍ୟୁଟି ଟ୍ରିଟ୍ମେଣ୍ଟ କରିବାରେ ଖର୍ଚ୍ଚାନ୍ତ ହେଉଛନ୍ତି, ତେବେ ଖୁବ୍ କମ୍ ଖର୍ଚ୍ଚରେ ଘରୋଇ ଉପାୟରେ ନିଜ ସମସ୍ୟାର ସମାଧାନ କରିପାରିବେ। ଏଥିପାଇଁ ଖଣ୍ଡେ ପାଚିଲା କଖାରୁକୁ ଗ୍ରାଇଣ୍ଡ କରି ସେଥିରେ ଅଣ୍ଡା, କ୍ଷୀର ମିଶାଇ ପ୍ୟାକ୍ ପ୍ରସ୍ତୁତ କରନ୍ତୁ। ଏହାକୁ ମୁହଁରେ ଲଗାଇ ୧୦-୧୫ ମିନିଟ୍ ପରେ ନର୍ମାଲ ପାଣିରେ ଧୋଇଦିଅନ୍ତୁ। ପ୍ରତିଦିନ ଏହାକୁ ଲଗାନ୍ତୁ, ଖୁବ୍ କମ୍ ଦିନ ମଧ୍ୟରେ ତ୍ୱଚାର ରଙ୍ଗରେ ପରିବର୍ତ୍ତନ ଜାଣିପାରିବେ।
ଫ୍ଲ ଲେସ୍ ବା ବେଦାଗ ତ୍ୱଚା କାହାକୁ ବା ପସନ୍ଦ ନୁହେଁ। ଯଦି ଆପଣ ବି ବ୍ରଣ ଦାଗ କିମ୍ବା ସନବର୍ନ ଆଦି ଯୋଗୁ ଚିନ୍ତିତ ତେବେ ଘରୋଇ ଉପାୟରେ ଅଣ୍ଡା ବ୍ୟବହାର କରି ଦାଗମୁକ୍ତ ଗ୍ଲୋଇଂ ସ୍କିନ୍ ପାଇପାରିବେ। ଏଥିପାଇଁ ଅଣ୍ଟାର ଧଳା ଅଂଶରେ ମହୁ ଏବଂ ଅଲିଭ ଅଏଲ ମିଶାଇ ପ୍ୟାକ୍ ପ୍ରସ୍ତୁତ କରି ଲଗାନ୍ତୁ। ୧୫ମିନିଟ୍ ରଖିବା ପରେ ପାଣିରେ ଭଲ ଭାବେ ଧୋଇଦିଅନ୍ତୁ।
ଏକ ପାତ୍ରରେ ଅଳ୍ପ ମହୁ ସହ ଅଣ୍ଡାର ଧଳା ଅଂଶ ମିଶାଇ ପ୍ୟାକ୍ ପ୍ରସ୍ତୁତ କରନ୍ତୁ। ଏହାକୁ ମୁହଁରେ ଲଗାଇ ୧୦-୧୫ମିନିଟ୍ ରଖିବା ପରେ ପାଣିରେ ଧୋଇଦିଅନ୍ତୁ। ଏହି ପ୍ୟାକ୍ ମୁହଁରେ ଥିବା ରିଙ୍କଲ୍ ମାର୍କ ଏବଂ ଏଜ୍ ଲାଇନ ଦୂରକରି ତ୍ୱଚାକୁ ଟାଇଟ୍ କରିବା ସହ ଆକର୍ଷଣୀୟ ୟଙ୍ଗ୍ ଲୁକ୍ ଦେବ।