ଜଣେ ମହିଳା ଭିକାରିଙ୍କ ବ୍ୟାଙ୍କ୍ ଆକାଉଣ୍ଟରୁ ମିଳିଲା ୧ କୋଟି ୪୨ ଲକ୍ଷ ଟଙ୍କା। କେବଳ ଏତିକି ନୁହେଁ ଏହି ମହିଳା ଜଣକ ୫ଟି କୋଠାର ମାଲିକ ମଧ୍ୟ। କଥାଟା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ନଫିସା ନାମ୍ନୀ ଏହି ଭିକାରି ଜଣକ ଇଜିପ୍ଟରେ ବାସ କରନ୍ତି। ତାଙ୍କ ବୟସ ୫୭। ପୋଲିସ ଏବେ ଏହି ମହିଳାଙ୍କୁ ଗିରଫ କରି ପଚରାଉଚରା ଚଳାଇଛି। ମହିଳା ଜଣକ ହ୍ବିଲ୍ ଚେୟାର୍ରେ ବସି ବଜାରରେ ଭିକ ମାଗୁଥିଲେ। ସେ ନିଜକୁ ଏଭଳି ଦେଖାଇବାକୁ ଚେଷ୍ଟା କରୁଥିଲେ, ଯେପରି ତାଙ୍କର ଗୋଡ ନାହିଁ। ଇଜିପ୍ଟର ଅନେକ ରାଜ୍ୟ ବୁଲି ବୁଲି ସେ ଭିକ ମାଗୁଥିଲେ। କେବଳ ଭିକ ମାଗିବା ସମୟ ତକ ସେ ହ୍ବିଲ୍୍ ଚେୟାରରେ ବସି ରହୁଥିଲେ। ବାକି ସମୟ ସେ ଗୋଡରେ ଚଲାବୁଲା କରୁଥିଲେ। ପୋଲିସ ତାଙ୍କୁ ଗିରଫ କରିବା ପରେ ତାଙ୍କ ସ୍ବାସ୍ଥ୍ୟାବସ୍ଥା ପରୀକ୍ଷା କରାଯାଇଥିଲା। ତାଙ୍କର କୌଣସି ରୋଗ ନାହିଁ ବୋଲି ଜଣାପଡିଥିଲା। ତାଙ୍କର ୨ଟି ବ୍ୟାଙ୍କ୍ ଆକାଉଣ୍ଟ୍ ଯାଞ୍ଚ୍ ପରେ ୧ କୋଟି ୪୨ ଲକ୍ଷ ଟଙ୍କା ଥିବା ଜଣାପଡିଥିଲା।