ବରଗଡ଼, ୩୧।୩(ପ୍ରେମାନନ୍ଦ ଖମାରୀ) – ବରଗଡ ସହରରେ ଇଦ ଉଲ ଫିତର୍ ସମାରୋହରେ ପାଳିତ ହୋଇଯାଇଛି। ଏହି ଅବସରରେ ମୁସଲିମ ସମ୍ପ୍ରଦାୟର ଲୋକେ ମାସେବ୍ୟାପୀ କଠୋର ସାଧନା ସହ ସଂଯମ କରି ରମଜାନ ମାସକୁ ଉପବାସ ଭାବରେ ପାଳନ କରିଥିଲେ। ରବିବାର ସନ୍ଧ୍ୟାରେ ଚନ୍ଦ୍ର ଦେଖି ସୋମବାର ମୁସଲମାନ ସମ୍ପ୍ରଦାୟର ଭଉଣୀ, ଭାଇମାନେ ପ୍ରେମ ଓ ଭାଇଚାରାର ପର୍ବ ଇଦ ଉଲ ଫିତର ଆନନ୍ଦଉଲ୍ଲାସର ସହ ପାଳନ କରିଥିଲେ।
ମୁସଲିମ ସମ୍ପ୍ରଦାୟର ସମସ୍ତ ଭାଇମାନେ ନୂତନ ବସ୍ତ୍ର ପରିଧାନ କରି ବରଗଡ ଡେମ କଲୋନୀସ୍ଥିତ ଇଦଗାହ ପଡିଆରେ ସମବେତ ହୋଇ ଥିଲେ। ସେଠାରେ ବରଗଡ ସୁନ୍ନି ବରେଲବୀ ଜାମା ମସଜିଦର ମୌଲାନା ମହମ୍ମଦ କିସମତ ଅଳି ରିଜବୀଙ୍କ ଅଧ୍ୟକ୍ଷତାରେ ସାମୁହିକ ନମାଜ ପାଠ ହୋଇଥିଲା। କାର୍ଯ୍ୟକ୍ରମରେ ଏହି ପର୍ବର ମହତ୍ତ୍ୱ ସମ୍ପର୍କରେ ଉପସ୍ଥିତ ମୁସଲମାନ ସମ୍ପ୍ରଦାୟକୁ ଅବଗତ କରାଯିବା ସହିତ ମିଳିତ ଭାବରେ ବିଶ୍ୱ ଶାନ୍ତି ପାଇଁ ସାମୁହିକ ପ୍ରାର୍ଥନା ହୋଇଥିଲା। ପରେ ସମସ୍ତେ ପରସ୍ପରକୁ ଆଲିଙ୍ଗନ କରି ଇଦର ଅଭିନନ୍ଦନ ଏବଂ ଶୁଭେଚ୍ଛା ଜଣାଇ ଥିଲେ।
ଏହି କାର୍ଯ୍ୟକ୍ରମରେ ସୁନ୍ନି ଜାମା ମସଜିଦ କମିଟି ଅଧ୍ୟକ୍ଷ ଶେଖ ଅସଗର, ସମ୍ପାଦକ ଏମଡି ନିଜାମ, ଏମଡି ନଇମ, ଜାନିସାର ଅନସାରୀ, ମହମ୍ମଦ ଭିକି, ଶେଖ ନଜିମୁଦ୍ଦିନ, ମହମ୍ମଦ ନଇମ, ଶେଖ ନସିମୁଦ୍ଦିନ, ଗୁଲାମ ଗୌସ, ଗୁଲାମ ରସୁଲ, ମହମ୍ମଦ ଅସ୍କାଲାନି, ଶେଖ ଜାଫର, ଶେଖ ସବଦର, ଶେଖ ମୁର୍ତ୍ତୁଜା, ମହମ୍ମଦ ଆଲାଦ୍ଦିନ, ମହମ୍ମଦ ବବଲୁ, ମହମ୍ମଦ ଜମୀର, ମହମ୍ମଦ ଜିଆଉଲ, ମହମ୍ମଦ ଅସଲମ, ନାସିର ଖାନ, ମୋ.ଳତିଫ, ମୋ.ଇସଲାମ, ମୋ. ମାସୁମ, ମୋ. ରାଜୁ, ମୋ.ଜାଫର, ପ୍ରମୁଖ ସହଯୋଗ କରି ଥିଲେ । ଏହି ଅବସରରେ ଘରେ ଘରେ ସମସ୍ତେ ମିଠା, ପିଠାପଣା ଆଦି ସୱାଦିଷ୍ଟ ଖାଦ୍ୟ ଖାଇ ପର୍ବ ପାଳନ କରିଥିଲେ।
