ଇସଲାମାବାଦ,୧୬ ।୩: ପାକିସ୍ତାନ ସୁରକ୍ଷାକର୍ମୀ ବୁଧବାର ଦକ୍ଷିଣ ବଜିରସ୍ତାନରେ ଚଳାଇଥିବା ଏକ ଅପରେଶନ ସମୟରେ ୮ ଜଣ ଆତଙ୍କବାଦୀଙ୍କୁ ନିହତ କରିଥିବା ଦାବି କରିଛନ୍ତି । ମୃତ ଆତଙ୍କବାଦୀଙ୍କ ନିକଟରୁ ସୁରକ୍ଷାକର୍ମୀ ବହୁ ମାତ୍ରାରେ ଅସ୍ତ୍ରଶସ୍ତ୍ର, ଗୁଳିଗୋଳା ଓ ଅନ୍ୟ ଉପକରଣ ଜବତ କରିଛନ୍ତି ।
ପାକିସ୍ତାନୀ ମିଡିଆର ସୂଚନା ଅନୁଯାୟୀ, ସ୍ଥାନୀୟ ଲୋକେ ସୁରକ୍ଷାକର୍ମୀଙ୍କ ଦ୍ୱାରା ଆତଙ୍କବାଦୀଙ୍କୁ ନିହତ କରିବା ଲାଗି ଘଟଣାର ପ୍ରଶଂସା କରିଛନ୍ତି । ଏହାସହ ଉକ୍ତ ଅଞ୍ଚଳରେ ଆତଙ୍କବାଦୀ କାର୍ଯ୍ୟକ୍ରମକୁ ଶେଷ କରିବାକୁ ସେମାନେ ସହଯୋଗ କରିବେ ବୋଲି କହିଛନ୍ତି । ପାକିସ୍ତାନ ସେନାର ମିଡିଆ ୱିଙ୍ଗ ଅନୁଯାୟୀ, ସୁରକ୍ଷାର୍କମୀଙ୍କୁ ଦକ୍ଷିଣ ବଜିରସ୍ତାନର ଜିଗହାରାରେ ଆତଙ୍କବାଦୀଙ୍କ ଶିବରର ସୂଚନା ମିଳିଥିଲା । ସୂଚନା ମିଳିବା ପରେ ସୁରକ୍ଷାକର୍ମୀ ଏକ ଅଭିଯାନ ଆରମ୍ଭ କରିଥିଲେ । ଏହାପରେ ଉଭୟ ପକ୍ଷ ମଧ୍ୟରେ ଗୁଳିବିନିମୟ ଆରମ୍ଭ ହୋଇଥିଲା । ଗୁଳିକାଣ୍ଡ ଘଟଣାରେ ୮ ଜଣ ଆତଙ୍କବାଦୀ ନିହତ ହୋଇଛନ୍ତି । ଅପରଶନ ସମୟରେ ପାକିସ୍ତାନ ସେନାର ୨ ଯବାନ ଆହତ ହୋଇଛନ୍ତି ଓ ଦୁଇଜଣ ଶିଶୁଙ୍କର ମୃତୁ୍ୟ ହୋଇଛି ।