ନୂଆଦିଲ୍ଲୀ,୧୭।୨: ଶନିବାର ଦିଲ୍ଲୀରେ ଏକ ମାଲବାହୀ ଟ୍ରେନ ଦୁର୍ଘଟଣାର ସମ୍ମୁଖୀନ ହୋଇଥିଲା। ନାଗର-ଦୟାବସ୍ତି ସେକ୍ସନର ଏକ ମାଲଗାଡ଼ି ଟ୍ରେନର ଆଠଟି କୋଚ ଲାଇନ ଚ୍ୟୁତ ହୋଇଛି। ଜଖିରା ଫ୍ଲାଏ ଓଭର ନିକଟରେ ଏହି ଦୁର୍ଘଟଣା ଘଟିଛି। ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ରେଳବାଇ ଏବଂ ଫାୟାର ବ୍ରିଗେଡ ଦଳ ଘଟଣାସ୍ଥଳରେ ପହଞ୍ଚିଛନ୍ତି। ରିଲିଫ ଓ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି। ଏହି ଟ୍ରେନରେ ଲୁହା ସିଟ ଯାଉଥିଲା।
ଏହି ଦୁର୍ଘଟଣାରେ କୌଣସି ଆହତଙ୍କ ଖବର ଏପର୍ଯ୍ୟନ୍ତ ନାହିଁ। ଏହି ଘଟଣା ସକାଳ ୧୧ଟା ୫୨ରେ ଘଟିଥିବା କୁହାଯାଉଛି। ରେଲଓ୍ବେ ଟିମ ଟ୍ରେନ କୋଚ ଗୁଡିକୁ ସିଧା କରିବାକୁ ଚେଷ୍ଟା କରୁଛନ୍ତି। ଏହା ସହିତ ଟ୍ରାକରେ ମରାମତି ମଧ୍ୟ କରାଯାଉଛି।
ସୂଚନାଯୋଗ୍ୟ, ଗତ ବର୍ଷ ୬ଅକ୍ଟୋବର ୨୦୨୩ରେ ଏକ ମାଲବାହୀ ଟ୍ରେନ ଦିଲ୍ଲୀରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲା। ଯେଉଁଥିପାଇଁ କୌଣସି ବଡ଼ ଦୁର୍ଘଟଣା ଘଟି ନଥିଲା କିନ୍ତୁ ଦୀର୍ଘ ସମୟ ଧରି ଟ୍ରେନର ଚଳାଚଳ ବ୍ୟାହତ ହୋଇଥିଲା। ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ରେଳ ଅଧିକାରୀମାନେ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ। ଏହା ସହିତ ଅନେକ ଟ୍ରେନର ସମୟ ମଧ୍ୟ ପରିବର୍ତ୍ତନ କରାଯାଇଥିଲା। ଏହି ଦୁର୍ଘଟଣା ସମ୍ପର୍କରେ ଏକ ତଦନ୍ତ କମିଟି ମଧ୍ୟ ଗଠନ କରାଯାଇଥିଲା। ଏହାପୂର୍ବରୁ ଦିଲ୍ଲୀ ସୀମାବର୍ତ୍ତୀ ଗାଜିଆବାଦରେ ମାଲବାହୀ ଟ୍ରେନର ଲାଇନଚ୍ୟୁତ ଘଟଣା ମଧ୍ୟ ସାମ୍ନାକୁ ଆସିଥିଲା।
