କୋଲକାତା,୨୯।୪: କରୋନା ମହାମାରୀ ସଂକ୍ରମଣ ମଧ୍ୟରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପାଇଁ ଅଷ୍ଟମ ପର୍ଯ୍ୟାୟ ମତଦାନ ଗୁରୁବାର ସକାଳ ୭ଟାଠାରୁ ଆରମ୍ଭ ହୋଇଛି। ଭୋଟରମାନେ ମାସ୍କ୍ ପିନ୍ଧି ମତଦାନ କେନ୍ଦ୍ରରେ ପହଞ୍ଚିଛନ୍ତି। ସ୍କ୍ରିନିଂ ପରେ ଭୋଟରଙ୍କୁ ବୁଥ୍ରେ ପ୍ରବେଶ କରିବାକୁ ଅନୁମତି ମିଳୁଛି। ଅଷ୍ଟମ ପର୍ଯ୍ୟାୟରେ ୩୫ଟି ବିଧାନସଭା ଆସନ ପାଇଁ ମତଦାନ କରାଯାଉଛି। ନିର୍ବାଚନ ମଇଦାନରେ ୨୮୩ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଭୋଟର କରୋନା ସଂକ୍ରମଣକୁ ଭୟ ନ କରି ମତଦାନ କେନ୍ଦ୍ରରେ ଧାଡ଼ିବାନ୍ଧି ନିଜର ଅଧିକାର ସାବ୍ୟସ୍ତ କରିବା ଜାରି ରଖିଛନ୍ତି। ଅଷ୍ଟମ ପର୍ଯ୍ୟାୟରେ ମାଲଦାର ୬, ଭୀରଭୂମର ୧୧, ମୂର୍ଶିଦାବାଦ୍ର ୧୧ ଏବଂ ଉତ୍ତର କୋଲକାତାର ୭ଟି ବିଧାନସଭା ଆସନରେ ମତଦାନ କରାଯାଉଛି।
