ମୁମ୍ବାଇ,୯।୨: ଶିବସେନାର ଉପନେତା ତଥା ପୂର୍ବତନ ବିଧାୟକ ବିନୋଦ ଘୋଷାଲାକରଙ୍କ ପୁଅ ତଥା ମୁମ୍ବାଇ ମ୍ୟୁନିସିପାଲ କର୍ପୋରେଶନର ପୂର୍ବତନ କର୍ପୋରେଟର ଅଭିଷେକ ଘୋଷାଲାକରଙ୍କୁ ହତ୍ୟା ପରେ ମୁମ୍ବାଇ ସମେତ ସମଗ୍ର ରାଜ୍ୟରେ ଆଲୋଡ଼ନ ସୃଷ୍ଟି କରିଛି। ଏଭଳି ପରିସ୍ଥିତିରେ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଆଜି ତାଙ୍କ ଜନ୍ମଦିନ ପାଳନ ନ କରିବାକୁ ନିଷ୍ପତ୍ତି ନେଇଛନ୍ତି। ଏଥିସହିତ କାର୍ଯ୍ୟକର୍ତ୍ତା ଏବଂ ନେତାମାନଙ୍କୁ ମଧ୍ୟ ତାଙ୍କ ଜନ୍ମଦିନ ପାଳନ ନକରିବାକୁ ଅନୁରୋଧ କରିଛନ୍ତି।
ମୁଖ୍ୟମନ୍ତ୍ରୀ ଶିନ୍ଦେଙ୍କ ଜନ୍ମଦିନ ଅବସରରେ ପ୍ରଧାନମନ୍ତ୍ରୀ ମୋଦି ତାଙ୍କୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ମୋଦି ‘ଏକ୍ସ’ରେ ଲେଖିଛନ୍ତି,’ ମହାରାଷ୍ଟ୍ରର ଗତିଶୀଳ ତଥା ପରିଶ୍ରମୀ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଜୀଙ୍କୁ ଜନ୍ମଦିନର ଶୁଭେଚ୍ଛା। ତାଙ୍କର ତୃଣମୂଳ ସ୍ତରର ଯୋଗଦାନ ଏବଂ ପରିଶ୍ରମୀ ପ୍ରକୃତି ହେତୁ ସେ ନିଜର ପରିଚୟ ସୃଷ୍ଟି କରିଛନ୍ତି । ରାଜ୍ୟକୁ ନୂତନ ଉଚ୍ଚତାକୁ ଆଣିବା ପାଇଁ ସେ କାର୍ଯ୍ୟ କରୁଛନ୍ତି। ତାଙ୍କର ଦୀର୍ଘ ଏବଂ ସୁସ୍ଥ ଜୀବନ ପାଇଁ ପ୍ରାର୍ଥନା କରୁଛି।
