‘ଅଧିକ ଦିନ ପର୍ଯ୍ୟନ୍ତ ତିଷ୍ଠି ରହିପାରିବ ନାହିଁ ଶିନ୍ଦେଙ୍କ ସରକାର’ ଫଡନ୍‌ବିସଙ୍କୁ ଜବାବ ଦେଲେ ସଞ୍ଜୟ ରାଉତ

ମୁମ୍ବାଇ, ୩୦।୬: ମହାରାଷ୍ଟ୍ରରେ ଦେବେନ୍ଦ୍ର ଫଡନ୍‌ବିସଙ୍କ ଶରଦ ପାୱାରଙ୍କ ବିବୃତ୍ତି ପରେ ରାଜନୈତିକ ଚର୍ଚ୍ଚା ତୀବ୍ର ହୋଇଛି। ବର୍ତ୍ତମାନ ଶିବସେନା (ଉଦ୍ଧବ ଠାକରେ) ନେତା ସଞ୍ଜୟ ରାଉତ ଫଡନ୍‌ବିସଙ୍କୁ ଟାର୍ଗେଟ କରିଛନ୍ତି ଏବଂ କହିଛନ୍ତି ଯେ, ଏନସିପି ନେତା ଅଜିତ ପାୱାରଙ୍କ ସହ ଭାଜପା ନେତୃତ୍ୱାଧୀନ ସରକାର ଗଠନ କରିବାକୁ ଚେଷ୍ଟା କରିବାବେଳେ ୨୦୧୯ରେ ତାଙ୍କର ପରୀକ୍ଷଣ ସମ୍ପୂର୍ଣ୍ଣ ବିଫଳ ହୋଇଛି। ରାଉତ କହିଛନ୍ତି, ଲୋକମାନେ ଦେବେନ୍ଦ୍ର ଫଡନ୍‌ବିସଙ୍କୁ ଗମ୍ଭୀରତାର ସହ ନେଇନାହାଁନ୍ତି ଏବଂ ତାଙ୍କ ମିଳିତ ସରକାର କେବଳ ତିନି ଦିନ ଧରି ଚାଲିପାରିବେ। ଏହି ସମୟ ମଧ୍ୟରେ ସଞ୍ଜୟ ରାଉତ ମଧ୍ୟ ଦାବି କରିଛନ୍ତି ଯେ, ଶିନ୍ଦେ-ଭାଜପା ସରକାର ଅଧିକ ଦିନ ତିଷ୍ଠି ରହିପାରିବ ନାହିଁ।