ବମ୍ବେ: ଟେଲିଭିଜନ କୁଇନ୍ ଏକତା କପୁର କରିବେ ବିବାହ। ୪୫ ବର୍ଷୀୟ ଏକତା ବନ୍ଧୁ ତନବୀର ବୁକଓ୍ବାଲାଙ୍କ ହାତ ଧରିବେ। ଖୋଲାଖୋଲି ନ ହେଲେ ବି ପ୍ରଶଂସକଙ୍କୁ ଇସାରା ଇସାରାରେ ଏହା କହିଛନ୍ତି ଏକତା।
ଇନଷ୍ଟାଗ୍ରାମରେ ବେଶ୍ ଆକ୍ଟିଭ ଥିବା ଏକତା ଏବେ ଏକ ଫଟୋ ଶେୟାର କରିଛନ୍ତି। ଫଟୋରେ ଏକତାଙ୍କ ସହ ତନବୀର ଅଛନ୍ତି। ଏହାକୁ ଶେୟାର କରିବା ବେଳେ ଆମେ ସେଠାରେ ଅଛୁ, ଶୀଘ୍ର ସମସ୍ତଙ୍କୁ ଏ ବିଷୟରେ ଜଣାଇବୁ ବୋଲି ଲେଖିଛନ୍ତି। ଯେଉଁଥିରେ କମେଣ୍ଟ କରି ତନବୀର ଲେଖିଛନ୍ତି, ଏ ବନ୍ଧୁତା ଏବେ ସମ୍ପର୍କରେ ପରିବର୍ତ୍ତନ ହେବାର ସମୟ ଆସି ସାରିଛି। ଉଭୟଙ୍କ ମଧ୍ୟରେ ଏଭଳି ବାର୍ତ୍ତାଳାପ ଦେଖି କ’ଣ ଉଭୟ ବିବାହ କରିବେ ବୋଲି ପ୍ରଶଂସକମାନେ ପ୍ରଶ୍ନ କରୁଛନ୍ତି।
ତନବୀର ଜଣେ ପ୍ରଯୋଜକ ଏବଂ ଲେଖକ ମଧ୍ୟ। ଏକତାଙ୍କ ସହ ତାଙ୍କର ଦୀର୍ଘ ଦିନର ବନ୍ଧୁତା। ତନବୀରଙ୍କ ଇନ୍ଷ୍ଟାଗ୍ରାମରୁ ଏହାର ଝଲକ ମିଳୁଛି। ସୋସିଆଲ ପୃଷ୍ଠାରେ ଉଭୟଙ୍କ ଏକାଧିକ ସେଲ୍ଫି ଦେଖିବାକୁ ମିଳୁଛି।