ବମ୍ବେ: ପ୍ରଯୋଜିକା ଏକତା କପୁର-ମନ୍ତ୍ରୀ ସ୍ମୃତି ଇରାନୀଙ୍କ ମଧ୍ୟରେ ଥିବା ବନ୍ଧୁତ୍ୱ କଥା କାହାକୁ ବା ଅଛପା। ଜଣେ ମଡେଲ୍ରୁ ନିଜର କ୍ୟାରିୟର ଆରମ୍ଭ କରିଥିଲେ ସ୍ମୃତି। ଏକତାଙ୍କ ଶୋ’ ‘କ୍ୟୁ କି ଶାଶ୍ ଭି କଭି ବହୁ ଥି’ରେ ସେ ଅଭିନୟ କରି ଘରେ ଘରେ ପରିଚିତ ହୋଇଥିଲେ। ବର୍ତ୍ତମାନ ସେ ମୋଦି କ୍ୟାବିନେଟ୍ରେ ମନ୍ତ୍ରୀ ଅଛନ୍ତି। ତେବେ କ’ଣ ଆପଣ ଜାଣନ୍ତି ସ୍ମୃତି ମିସ୍ ଇଣ୍ଡିଆରେ ଭାଗ ନେଇଥିଲେ। ହୁଏତ ନା। ଏକତା ନିଜ ସୋସିଆଲ ପୃଷ୍ଠାରେ ସ୍ମୃତିଙ୍କ କାମକୁ ପ୍ରଶଂସା କରି ଏକ ଭିଡିଓ ପୋଷ୍ଟ କରି ପୁରୁଣା ଦିନକୁ ମନେ ପକାଇଛନ୍ତି।
ଜଣେ ମଡେଲ ଭାବେ ସ୍ମୃତି ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନେଇଥିଲେ। ସେ ଏହାକୁ ଜିତି ପାରି ନ ଥିଲେ ସୁଦ୍ଧା ଘରେ ଘରେ ପରିଚିତ ହୋଇପାରିଥିଲେ। ଏହି ଭିଡିଓ ସେହି ମାନଙ୍କ ପାଇଁ ଯେଉଁମାନେ ଭାବନ୍ତି ସଫଳତା ପାଇବା ସହଜ। ଏହା ସହଜରେ ମିଳିଯାଏ। ଏହା ବହୁତ କଷ୍ଟ। ହେଲେ ସଫଳତା ସେହି ଲୋକଙ୍କୁ ମିଳେ ଯେଉଁମାନେ କଠିନ ପରିଶ୍ରମ କରନ୍ତି। ସ୍ମୃତିଙ୍କୁ ଘରେ ଘରେ ପରିଚିତି ମିଳିଥିଲା। ଆଜି ସେ ମନ୍ତ୍ରୀ। ତାଙ୍କ ଜୀବନ ପୁରା ପରିବର୍ତ୍ତନ ହୋଇଯାଇଛି। ସେ ଏବେ ଶକ୍ତିଶାଳୀ ହୋଇଛନ୍ତି ଏବଂ ଜଣେ ନମ୍ର ରାଜନେତା ପାଲଟିଛନ୍ତି।ଯେତେବେଳେ ସେ ବାଲାଜୀ ଆସିଥିଲେ, ସେ ଜଣେ ନମ୍ର, ଲାଜକୁଳି ତଥା ସାଧାରଣ ଝିଅ ଥିଲେ। ହେଲେ ତାଙ୍କ ହସ ହୃଦୟ ଜିତିନେବ ବୋଲି ଆମକୁ ଜଣାଥିଲା ବୋଲି ଭିଡିଓ ଶେୟାର କରି ଏକତା ଲେଖିଛନ୍ତି। ସ୍ମୃତି ଏହି ପୋଷ୍ଟକୁ ନେଇ ଏକତାଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି।
ସ୍ମୃତି ୧୯୯୮ରେ ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନେଇଥିଲେ। ସେତେବେଳେ ସେ ରାଜନୀତିରେ ଇଚ୍ଛା ରଖିଥିବା ପ୍ରକାଶ କରିଥିଲେ। ପରେ ସେ ଏକତାଙ୍କ ଶୋ’ କବିତାରେ ନଜର ଆସିବା ପରେ ଧିରେ ଧିରେ ପରିଚିତ ଚେହେରା ପାଲଟିଥିଲେ।
