ଲଣ୍ଡନ,୪ ।୩: ବିଶ୍ୱ ପାଣିପାଗ ବିଜ୍ଞାନ ସଙ୍ଗଠନ(ଡବ୍ଲୁଏମଓ) ଚେତାବନୀ ଦେଇଛି କି ଆଗାମୀ ମାସେ ଦୁଇମାସ ମଧ୍ୟରେ ଏଲ ନିନୋ ସକ୍ରିୟ ହେବା ସହ ସାରା ବିଶ୍ୱରେ ତାପମାତ୍ରା ବୃଦ୍ଧି ପାଇବ । ବିଶେଷ କରି ଭାରତ ଭଳି ଦେଶରେ ଗ୍ରୀଷ୍ମ ପ୍ରଚଣ୍ଡ ରୂପ ଧାରଣ କରିବ । ଡବ୍ଲୁଏମଓର ମହାସିଚବ ବେଟେରି ତାଲସ କହିଛନ୍ତି, ବିଶ୍ୱ ଖୁବଶୀଘ୍ର ଏଲ ନିନୋ ସ୍ଥିତିକୁ ଯିବାକୁ ଯାଉଛି, ଏଥିରେ ସାରା ବିଶ୍ୱର ତାପମାତ୍ରା ଅତ୍ୟଧିକ ବୃଦ୍ଧି ହେବ ।
ତାଲସ କହିଛନ୍ତି, ଗତ ୮ ବର୍ଷରୁ ଜାରି ରହିଥିବା ଟ୍ରିପଲ ଡିପ ଲା ନିନୋ ଏବେ ଶେଷ ହେବାକୁ ଯାଉଛି । ଫଳରେ ବଢୁଥିବା ତାପମାତ୍ରା ଉପରେ ଏକ ଅସ୍ଥାୟୀ ବ୍ରେକ ଲାଗିଛି । ଲା-ନିନୋ ସେପ୍ଟେମ୍ବର ୨୦୨୦ରୁ ସୃଷ୍ଟି ହୋଇଛି ।
ଡବ୍ଲୁଏମଓ କହିଛି ଚଳିତ ବର୍ଷ ମାର୍ଚ୍ଚରୁ ମେ ମଧ୍ୟରେ ଏଲ-ନିନୋ ସାଉଦର୍ନ ଅକ୍ସିଲେଶନ(ଇଏନଏସଓ) ସ୍ଥିତି ହେବ । ଏହା ପୂର୍ବରୁ ୨୦୧୬ରେ ଏଲ-ନିନୋ ସ୍ଥିତି ଉପୁଜିଥିଲା ଓ ଏହା ସବୁଠାରୁ ଗରମ ବର୍ଷ ଥିଲା । ହେଲେ ଏବେ ୨୦୧୬ରେ ରେକର୍ଡ ଭାଙ୍ଗିପାରେ । ବିଶେଷ କରି ଜଳବାୟୁ ପରିବର୍ତ୍ତନ ଫଳରେ ପ୍ରଥମରୁ ହିଁ ବିଶ୍ୱ ତାପମାତ୍ରାରେ ବୃଦ୍ଧି ହୋଇଛି ।
