ଲଣ୍ଡନ,୧୬।୪: ସୋସିଆଲ ମିଡିଆରେ ଏକ ବୃଦ୍ଧ ଦମ୍ପତିଙ୍କ ଭିଡିଓ ଭାଇରାଲ ହେଉଛି। ଯାହାକୁ ଦେଖିବା ପରେ ଆଖିରେ ଲୁହ ରହିବନି। କାରଣ କରୋନା ମହାମାରୀ ଯୋଗୁ ଦୀର୍ଘ ୮ ମାସ ଧରି ବୃଦ୍ଧ ଦମ୍ପତି ପରସ୍ପରଠାରୁ ଅଲଗା ରହୁଥିଲେ। ଯେତେବେଳେ ଦୁଇଜଣ ଏକାଠି ହେଲେ ସେତେବେଳେ କାହା ଆଖିରେ ଲୁହ ରହିଲାନି।
ଏକ ରିପୋର୍ଟ ଅନଯାୟୀ, ଇଂଲଣ୍ଡର ୮୯ ବର୍ଷୀୟ ମ୍ୟାରି ଡେଭିସ୍ ଏବଂ ୬୮ ବର୍ଷୀୟା ସ୍ତ୍ରୀ ଗାର୍ଡନ ଫେବୃୟାରରୁ କରୋନା ମହାମାରୀ ଯୋଗୁ ଅଲଗା ରହୁଥିଲେ। ଏହି ସପ୍ତାହ ଆରମ୍ଭରେ ବୃଦ୍ଧ ଦମ୍ପତି ପରସ୍ପରକୁ ଭେଟିଥିଲେ। ତେବେ ଏହି ମିଳନ ସମୟର ଦୃଶ୍ୟ ସମସ୍ତଙ୍କୁ ଭାବପ୍ରବଣ କରିଦେଇଥିଲା।
କେୟାର ହୋମ୍ କର୍ମଚାରୀଙ୍କ ଦ୍ୱାରା ରେକର୍ଡ କରାଯାଇଥିବା ଏକ ଭିଡିଓରେ ଦେଖିବାକୁ ମିଳିଛି ମ୍ୟାରୀ ଏବଂ ଗାର୍ଡେନ୍ ପରସ୍ପରଙ୍କୁ ଜାବୁଡ଼ି ଧରି କାନ୍ଦୁଛନ୍ତି। ଉଭୟ ଉଭୟଙ୍କୁ ଆଇଲଭ୍ ୟୁ କହିବା ସହ ଚୁମ୍ବନ ମଧ୍ୟ ଦେଇଥିଲେ।
ଭିଡିଓଟିକୁ ରେକ୍ସ ଚାମ୍ପିୟନ ନାମକ ଜଣେ ୟୁଜର ସୋସିଆଲ ମିଡିଆରେ ଶେୟାର କରିଛନ୍ତି। ଏହି ପୋଷ୍ଟରେ ଅନ୍ୟ ଜଣେ ୟୁଜର ଲେଖିଛନ୍ତି, ‘ମ୍ୟାନ୍ ଚେଷ୍ଟର’। ସେହିପରି ଆଉ ଜଣେ ୟୁଜର ଲେଖିଛନ୍ତି ପୁନଃମିଳନ। ଭିଡିଓଟି ପୋଷ୍ଟ ହେବାର କିଛି ସମୟ ମଧ୍ୟରେ ଖୁବ୍ ତୀବ୍ର ବେଗରେ ଭାଇରାଲ ହେଉଛି। ଲୋକେ ଏହାକୁ ବହୁ ପସନ୍ଦ କରିବା ସହ ହୃଦୟକୁ ଛୁଇଁଲା ପରି କମେଣ୍ଟ ବି ଦେଉଛନ୍ତି। ଏହାକୁ ୩ ଲକ୍ଷରୁ ଅଧିକ ଲୋକ ଦେଖିସାରିଲେଣି।
