ଦୁବାଇ,୯।୯: ଭାରତ-ଆଫଗାନିସ୍ତାନ ମଧ୍ୟରେ ଗୁରୁବାର ଖେଳାଯାଇଥିବା ଏସିଆ କପ୍ ସୁପର-୪ ମୁକାବିଲାରେ ଶତକ ହାସଲ କରି ସମାଲୋଚକଙ୍କ ମୁହଁ ବନ୍ଦ କରିଛନ୍ତି ବିରାଟ କୋହଲି। ସେ ଲଢ଼ୁଆ ବ୍ୟାଟିଂ କରି ୬୧ ବଲ୍ରେ ଅପରାଜିତ ୧୨୨ ରନ୍ କରିଥିଲେ। ଏହା ତାଙ୍କ କ୍ୟାରିୟରର ୭୧ତମ ଶତକ ଥିଲା। ଦୀର୍ଘଦିନରୁ ନିରବ ଥିବା କୋହଲିଙ୍କ ବ୍ୟାଟ୍ରୁ ଏଭଳି ଇନିଂସ ଦେଖି ପ୍ରଶଂସକ ଖୁସିରେ ନାଚି ଉଠିଥିଲେ। ଯେତେବେଳେ ସେ ମଇଦାନରେ ନିଜର ଶତକ ପୂରଣ କରିଥିଲେ ସେତେବେଳେ ତାଙ୍କୁ ଷ୍ଟାଡିୟମରେ ଉପସ୍ଥିତ ପ୍ରଶଂସକ ତାଙ୍କୁ ଅଭିବାଦନ ଜଣାଇଥିଲେ। ସେଭଳି ଜଣେ ବୃଦ୍ଧ ପ୍ରଶଂସକଙ୍କ ଭିଡିଓ ଏବେ ବେଶ ଭାଇରାଲ ହେଉଛି। ଭିଡିଓରେ ସେ ତାଙ୍କୁ ମୁଣ୍ଡ ନୁଆଁଇ ସଲାମ୍(ଅଭିବାଦନ) କରୁଥିବା ଦେଖାଯାଇଛି।
ଆପଣ ବି ଦେଖନ୍ତୁ ଭିଡିଓ: