ନୂଆଦିଲ୍ଲୀ,୧୬।୩: ୨୦୨୪ ଲୋକସଭା ନିର୍ବାଚନ ନେଇ ନିର୍ବାଚନ କମିଶନର ତାରିଖ ଘୋଷଣା କରିଛନ୍ତି । ରାଜୀବ କୁମାରଙ୍କ ସୂଚନା ମୁତାବକ ଦେଶରେ ୭ଟି ପର୍ଯ୍ୟାୟରେ ମତଦାନ ହେବ । ମେ ମାସ ୧୩ ତାରିଖରେ ଓଡିଶାରେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ହେବ । ଜୁନ ୪ ତାରିଖରେ ଫଳାଫଳ ଘୋଷଣା କରାଯିବ ।
କହିରଖୁଛୁ କି, ନିର୍ବାଚନ କମିଶନର ଚଳିତ ନିର୍ବାଚନରୁ ୫୩୭ଟି ରାଜନୈତିକ ଦଳକୁ ବାହାର କରିଛନ୍ତି । ଏହି ୫୩୭ ରାଜନୈତିକ ଦଳ ମଧ୍ୟରୁ ୨୮୪ ଟି ଦଳକୁ ତାଲିକାରୁ ବାହାର କରାଯାଇଥିବା ବେଳେ ୨୫୩ଟି ରାଜନୈତିକ ଦଳକୁ ଇନଆକ୍ଟିଭ କରାଯାଇଛି । ରାଜନୈତିକ ଦଳଭାବେ ଏମାନେ ସମସ୍ତ ସୁବିଧା ସୁଯୋଗ ପାଉଥିବା ବେଳେ ନିର୍ବାଚନୀ ମାହୋଲ ଖରାପ କରୁଛନ୍ତି ବୋଲି ରାଜୀବ କୁମାର କହିଛନ୍ତି।