ଓଡ଼ିଶାରେ ଦ୍ୱିତୀୟ ପର୍ଯ୍ୟାୟ ନିର୍ବାଚନ: ୫ ଲୋକ ସଭା, ୩୫ ବିଧାନସଭା ଆସନ ଲାଗି ମତଦାନ ଜାରି; ଜାଣନ୍ତୁ LIVE UPDATES
21 ଭୁବନେଶ୍ୱର,୧୮।୪(ବ୍ୟୁରୋ): ରାଜ୍ୟରେ ଦ୍ୱିତୀୟ ପର୍ଯ୍ୟାୟ ସାଧାରଣ ନିର୍ବାଚନ ଗୁରୁବାର ଅନୁଷ୍ଠିତ ହେଉଛି। ସକାଳ ୭ଟାରୁ ଏହି ଭୋଟ ଗ୍ରହଣ ପ୍ରକ୍ରିୟା ଆରମ୍ଭ ହୋଇଛି। ଏହି ପର୍ଯ୍ୟାୟରେ ୫ ଲୋକ ସଭା ଓ ୩୫ ବିଧାନସଭା ଆସନ ଲାଗି ୭୭ ଲକ୍ଷ ଭୋଟର ୨୭୯ ପ୍ରାର୍ଥୀଙ୍କର ଭାଗ୍ୟ ନିର୍ଣ୍ଣୟ କରୁଛନ୍ତି। ବିଧାନସଭାରେ ୨୪୪ ପ୍ରାର୍ଥୀ ମଇଦାନକୁ ଓହ୍ଲାଇଥିବା ବେଳେ ୩୫ ଲୋକ ସଭା ପ୍ରାର୍ଥୀ ଅଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କଠାରୁ ଆରମ୍ଭ କରି ବିରୋଧୀ ଦଳ ନେତା ନରସିଂହ ମିଶ୍ର, ଭାଜପା ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ, ପ୍ରସନ୍ନ ଆଚାର୍ଯ୍ୟ, ନବ ଦାସ, ସୁରେଶ ପୂଜାରୀ, ଜୁଏଲ ଓରାମ, ଜର୍ଜ ତିର୍କୀ, କିଶୋର ମହାନ୍ତିଙ୍କ ପର୍ଯ୍ୟନ୍ତ ଅନେକ ହେଭିଓ୍ବେଟ ନେତାଙ୍କ ଭାଗ୍ୟ ଲେଖୁଛନ୍ତି ଭୋଟର। ଏହାଛଡ଼ା ପ୍ରଥମ ପର୍ଯ୍ୟାୟରେ ବାତିଲ କରାଯାଇଥିବା ଦୁଇଟି ବୁଥ୍ରେ ମଧ୍ୟ ସାନି ମତଦାନ କରାଯାଉଛି। ସେଥିରେ ରହିଛି ମାଲକାନଗିରି ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ଏମ୍ପିଭି-୬୫ ଓ ବ୍ରହ୍ମପୁର ସିଟି ହାଇସ୍କୁଲ-୨।
-ବିଭିନ୍ନ ସ୍ଥାନରେ ଇଭିଏମ୍ ଅଚଳ ଯୋଗୁ ଭୋଟଦାନରେ ବିଳମ୍ବ। ବଲାଙ୍ଗୀର ଲୋଇସିଂହାର ୨ଟି ବୁଥ୍ରେ ଇଭିଏମ୍ ଅଚଳ। କୁରୁଲ ଗାଁର ୨୭୮ନଂ ଓ ୧୫୫ନଂ ବୁଥରେ ଇଭିଏମ୍ ଅଚଳ ନେଇ ସୂଚନା।
ଆଗଲପୁର ଗାଁର ୫୧ନଂ ବୁଥ୍ରେ ମଧ୍ୟ ଇଭିଏମ୍ ଅଚଳ। ଏଥିସହ ୬୫,୧୫୦ନଂ ବୁଥରେ କାମ କରୁନି ଇଭିଏମ୍।
-ତୁରେକେଲା ମଡେଲ୍ ବୁଥ୍ ନଂ-୯ରେ ମତଦାନରେ ବିଳମ୍ବ। ଇଭିଏମ୍ କାମ କରୁ ନ ଥିବା ଯୋଗୁ ଭୋଟରଙ୍କ ମନରେ ଅଶାନ୍ତି। ୧୦୨ନଂ ବୁଥରେ ମତଦାନ ପ୍ରକ୍ରିୟା ଡେରିରେ ଆରମ୍ଭ।
– ବାଲିଗୁଡ଼ା ଡି.ଉଦୟଗିରି ୧୭୯ନଂ ବୁଥରେ ବିଳମ୍ବରେ ମତଦାନ। ବାଲିଗୁଡ଼ାର ୫୪,୧୦୮,୧୦୯ ନଂ ବୁଥ୍, ରାଇକିଆ ବ୍ଲକର ୧୦୫,୧୦୬ ଓ ୧୦୮ ବୁଥ୍ରେ ଇଭିଏମ୍ ଅଚଳ।
– ସୁନ୍ଦରଗଡ଼ ଲୋକ ସଭା ଅଧୀନ ୭୦ଟି ବୁଥ୍ରେ ମତଦାନରେ ବିଳମ୍ବ। କେନ୍ଦୁଡିହି ବୁଥ୍ରେ ବିଳମ୍ବରେ ଭୋଟଦାନ। ଜୁଏଲ ମଧ୍ୟ ଡେରିରେ ଭୋଟଦେଲେ।
-ସୁନ୍ଦରଗଡ଼ର ୭ନଂ ଓ ରାଜଗାଙ୍ଗପୁରର ୪ନଂ ବୁଥ୍ରେ ମଧ୍ୟ ବିଳମ୍ବରେ ଭୋଟଦାନ। ତଳସରାର ଅନେକ ବୁଥ୍ରେ ଇଭିଏମ୍ ଅଚଳ ନେଇ ସୂଚନା। ୧୭୧ନଂ,୨୦୬ ନଂବୁଥ୍ରେ ଇଭିଏମ୍ ଅଚଳ ନେଇ ସୂଚନା।
– ସୁନ୍ଦରଗଡ଼ ବଣାଇର ୬ ବୁଥରେ ମତଦାନ ବିଳମ୍ବ, ୧୨୯ଟି ବୁଥ୍ରେ ଇଭିଏମ୍ରେ ତ୍ରୁଟି।
-ଫୁଲବାଣୀରେ ୬୯ନଂ ବୁଥ ଆଗରେ ଡକାଙ୍ଗି ଗ୍ରାମବାସୀଙ୍କ ଧାରଣା ପୋଲ ଓ ରାସ୍ତା ନିର୍ମାଣ ଦାବି ପୂରଣ ନ ହୋଇଥିବାରୁ ଧାରଣାରେ ବସିଲେ।
-ଲୋଇସିଂହାରେ ୨ ବୁଥ୍ରେ ଭୋଟ ବର୍ଜନ। ମତଦାନ କେନ୍ଦ୍ର ଦୂର ହୋଇଥିବାରୁ ଭୋଟ ବର୍ଜନ କରିଥିବା ସୂଚନା।
-ସୋନପୁରର ୨ ବୁଥ୍ରେ ୨ ଘଣ୍ଟା ବିଳମ୍ବରେ ମତଦାନ। ସାଗରପାଲିର ୨୦୪,୨୦୫ନଂ ବୁଥ୍ରେ ବିଳମ୍ବରେ ମତଦାନ।
-ବରଗଡ଼ରେ ଇଭିଏମ୍ ଅଚଳ। ଅତାବିରା କତରପାଲି ୧୭ନଂ ବୁଥରେ ଇଭିଏମ୍ ଅଚଳ ନେଇ ସୂଚନା।
-ଟିଟଲାଗଡ଼ ବିଧାନସଭା ଅଧୀନ ସଇଁତଳା ବ୍ଲକ କୁଡ଼ାସିଂହା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ମତଦାନ କେନ୍ଦ୍ରରେ ଲୋକ ସଭା କଣ୍ଟ୍ରୋଲିଂ ୟୁନିଟ୍ ଅଚଳ ଥିବା ଫଳରେ ମତଦାନ ଦେଢ଼ ଘଣ୍ଟା ବିଳମ୍ବରେ ଆରମ୍ଭ।
-ନୟାଗଡ଼ ଦଶପଲ୍ଲା ନିର୍ବାଚନମଣ୍ଡଳୀର ନୂଆଗାଁ ବ୍ଲକ ନଟି ଗ୍ରାମବାସୀମାନେ କଲେ ଭୋଟ ବର୍ଜନ। ଗ୍ରାମରେ ରାସ୍ତା ଓ ପାଣି ସମସ୍ୟା ଥିବାରୁ ଭୋଟ ବର୍ଜନ କଲେ ୫୮୮ ଭୋଟର।
-ଦିନ ୧୧ଟା ସୁଦ୍ଧା ୧୮% ମତଦାନ ନେଇ ସିଇଓଙ୍କ ସୂଚନା।