ନୂଆଦିଲ୍ଲୀ, ୧୩।୧୦: ନଭେମ୍ବର ୯ରେ ୧୧ ରାଜ୍ୟ ସଭା ଆସନ ପାଇଁ ନିର୍ବାଚନ ଅନୁଷ୍ଠିତ ହେବ। ସେଥିମଧ୍ୟରେ ଉତ୍ତରପ୍ରଦେଶର ୧୦ଟି ଏବଂ ଉତ୍ତରାଖଣ୍ଡର ଗୋଟିଏ ଆସନ ରହିଛି। ନିର୍ବାଚନ ପାଇଁ ଅକ୍ଟୋବର ୨୦ରୁ ୨୭ ମଧ୍ୟରେ ନାମାଙ୍କନ ପତ୍ର ଦାଖଲ କରାଯିବ। ଏସବୁ ଆସନରେ ଗୁଡ଼ିକରେ ସଦସ୍ୟଙ୍କ କାର୍ଯ୍ୟକାଳ ନଭେମ୍ବର ୨୫ରେ ଶେଷ ହୋଇଯିବ। ସେଥିମଧ୍ୟରେ ଉତ୍ତରପ୍ରଦେଶର ସମାଜବାଦୀ ପାର୍ଟିର ୪ ସଦସ୍ୟଙ୍କ କାର୍ଯ୍ୟକାଳ ଶେଷ ହେଉଛି। ସେହିପରି ବହୁଜନ ସମାଜବାଦୀ ପାର୍ଟିର ୨ ଜଣ ସଦସ୍ୟ ରହିଛନ୍ତି। ଅପରପକ୍ଷରେ ଭାଜପାର ୩ ଜଣ ସଦସ୍ୟ ଏବଂ କଂଗ୍ରେସର ୧ ଜଣ ସଦସ୍ୟଙ୍କ କାର୍ଯ୍ୟକାଳ ଶେଷ ହେଉଛି। ସେହିପରି ଉତ୍ତରାଖଣ୍ଡରେ କଂଗ୍ରେସର ଜଣେ ସଦସ୍ୟଙ୍କ କାର୍ଯ୍ୟକାଳ ଶେଷ ହେଉଛି। ଉତ୍ତର ଉତ୍ତରପ୍ରଦେଶ ପାଇଁ ଉଦ୍ଦିଷ୍ଟ ୧୦ଟି ରାଜ୍ୟ ସଭା ଆସନରେ ଭାଜପା ସହଜରେ ବିଜୟ ଲାଭ କରିବ ବୋଲି କୁହାଯାଉଛି। ଉତ୍ତରପ୍ରଦେଶ ଏବଂ ଉତ୍ତରାଖଣ୍ଡ ବିଧାନସଭାରେ କଂଗ୍ରେସର ପ୍ରର୍ଯ୍ୟାପ୍ତ ସଦସ୍ୟ ନ ଥିବାରୁ ଚଳିତ ଥର କଂଗ୍ରେସର କୌଣସି ସଦସ୍ୟ ରାଜ୍ୟ ସଭାକୁ ନିର୍ବାଚିତ ହେବେ ନାହିଁ ବୋଲି କୁହାଯାଉଛି।
