![](https://www.dharitri.com/wp-content/uploads/2022/11/n-7-15.jpg)
କାଠମାଣ୍ଡୁ,୧୯।୧୧ : ନେପାଳରେ ରବିବାର ନିର୍ବାଚନ ହେବାକୁ ଯାଉଛି। ଏହା ପୂର୍ବରୁ ଶନିବାର ନେପାଳ କମ୍ୟୁନିଷ୍ଟ ପାର୍ଟି (କାନ୍ତିକାରୀ ମାଓବାଦୀ)ର ୬ଜଣ ସଦସ୍ୟଙ୍କୁ ପୋଲିସ ଗିରଫ କରିଛି। ଅଭିଯୋଗ ହୋଇଛି ଯେ ହେବାକୁ ଥିବା ସାଧାରଣ ନିର୍ବାଚନ ବିରୋଧରେ ଏହି ଦଳର ସଦସ୍ୟମାନେ ସ୍ଲୋଗାନ ଦେଉଥିଲେ।
କାଠମାଣ୍ଡୁ ଘାଟି ପୋଲିସ ଅଧିକାରୀ ସୀତାରାମ ରିଜାଲ କହିଛନ୍ତି ଯେ ଗିରଫ କରାଯାଇ ଲୋକଙ୍କୁ ଦରବାର ମାର୍ଗରେ ରଖାଯାଇଛି। ଏହି ବିକ୍ଷୋଭକାରୀମାନେ ସାଧାରଣ ନିର୍ବାଚନ ବିରୋଧରେ କମ୍ୟୁନିଷ୍ଟ ଦଳର ଏକ ମିଳିତ ମଞ୍ଚର ପ୍ରତିନିଧିତ୍ୱ କରୁଥିଲେ।
ଏହାପୂର୍ବରୁ ନେପାଳର ପ୍ରଧାନମନ୍ତ୍ରୀ ଶେର ବାହାଦୂର ଦେଓବା ଦେଶର ନାଗରିକମାନଙ୍କୁ ନିର୍ବାଚନରେ ମତଦାନ କରିବାକୁ ନିବେଦନ କରିଛନ୍ତି। ଏକ ଟୁଇଟରେ ସେ ନାଗରିକମାନଙ୍କୁ ନେପାଳୀ କଂଗ୍ରେସ ପାର୍ଟି ପ୍ରାର୍ଥୀଙ୍କୁ ଭୋଟ ଦେବାକୁ ଅନୁରୋଧ କରିଛନ୍ତି।
ଦେଶର ଏକ ଅଗ୍ରଣୀ ଖବରକାଗଜ ଅନୁଯାୟୀ ନେପାଳ ସରକାର ନଭେମ୍ବର୨୦ ରେ ହେବାକୁ ଥିବା ନିର୍ବାଚନ ପାଇଁ ଦୁଇ ଦିନିଆ ସାଧାରଣ ଛୁଟି ଘୋଷଣା କରିଛନ୍ତି। ଗୃହ ମନ୍ତ୍ରଣାଳୟର ମୁଖପାତ୍ର ଧନୀନ୍ଦ୍ର ମଣି ପୋଖରେଲ ଏକ ବିଜ୍ଞପ୍ତି ପ୍ରକାଶ କରିଛନ୍ତି ଯେ ଲୋକସଭା ଏବଂ ପ୍ରାଦେଶିକ ବିଧାନସଭା ନିର୍ବାଚନ ପାଇଁ ନଭେମ୍ବର ୨୦ ଏବଂ ନଭେମ୍ବର ୨୧ କୁ ସାଧାରଣ ଛୁଟି ଘୋଷଣା କରାଯାଇଛି। ଏହାସହ ଏଥିରେ କୁହାଯାଇଛି ଯେ ମତଦାନ କେନ୍ଦ୍ର ଭାବରେ ନାମିତ ବିଦ୍ୟାଳୟ ସମେତ ସମସ୍ତ ଶିକ୍ଷାନୁଷ୍ଠାନ ନଭେମ୍ବର ୧୮ ରୁ ୨୧ ପର୍ଯ୍ୟନ୍ତ ବନ୍ଦ ରହିବ।
ନେପାଳର ୨୭୫ ସଦସ୍ୟ ବିଶିଷ୍ଟ ଲୋକସଭା (ସଂସଦର ନିମ୍ନ ଗୃହ)ର ୧୬୫ ସଦସ୍ୟଙ୍କୁ ଚୟନ କରିବ। ଅବଶିଷ୍ଟ ୧୧୦ ଟି ସିଟ କ୍ଷେତ୍ରରେ ଆନୁପାତିକ ପ୍ରତିନିଧିତ୍ୱ ଆଧାରରେ ନିଷ୍ପତ୍ତି ନିଆଯିବ। ଅନ୍ୟପକ୍ଷରେ ରାଜ୍ୟସଭାରେ ୩୩୦ ଟି ଆସନ ପାଇଁ ନିର୍ବାଚନ ମଧ୍ୟ ଅନୁଷ୍ଠିତ ହେବ।